Item uut dien dat her willem van hallez ridde(r) uut machte van scepen(en)/ brieven van loven(en) ridde(r) van ouden date gegoet en(de) gheeerft is/ in alle de omberuerlike goede jossarts wilen de gesteal onder de/ banc van ha(n)nuyt gelegen ende hij opden dach van heden hadde/ doen innescriven wery de vinamont jossart le bollenguir/ wout(er) sotteal en(de) janne willem die hem ongebruyc deden ae(n)/ e(n)nige der selver goede en(de) dair af de vors(creven) wery als pechtene(r)/ xviii mudden cor(ens) jossart le bollenguir iii mudde corens wout(er)/ sotteal viii mudde corens [spelte(n)] en(de) jan willem iiii mudde spelten sculdich/ wae(re)n Ende de vors(creven) p(er)sone noch gheen van heden niet come(n)/ en zijn soe hebben de vo(n)nisse(n) der scepen(en) van loven(en) gewesen/ datmen den vors(creven) [h(er)] wille(m)me vanden vors(creven) goeden en(de) pachte houden/ sal inde macht van sijnen vors(creven) scepen(en) brieven also v(er)re alst noch/ voir hen comen is p(rese)ntib(us) o(mn)ib(us) scabinis dempt(o) m(er)sb(er)ge feb(ruarii) t(er)tia