Wij borch(oven) hortbeke (et)c(etera) doen cond ut sup(ra) It(em) derve tussce(n) pet(ere)n cibe(n)/ scrijnmake(r) en(de) ja(n)ne boene es v(er)scheide(n) vande(n) vijfften pael dienen(de) tussce(n)/ lod(ewijc) vande(n) m(er)sb(er)ge pet(ere)n en(de) ja(n)ne voirs(creven) strecken(de) t(er) groefstrate(n) draetrechte/ tot de(n) pale getekent met i cro(m)me(n) kerve en(de) va(n) die(n) pael mette(n) cro(m)men/ kerve tot opde(n) leste(n) pael staende ond(er) de(n) berch op de(n) hoeck va(n) jans boens/ wij(n)g(ar)de en(de) pet(er)s wijg(ar)de It(em) de voirs(creven) pet(er) sal de tweedeel houde(n)/ vande(n) vrede ende de voirs(creven) jan boene tderdendeel tussche(n) de(n)/ vijfften pael voirs(creven) en(de) de(n) voirs(creven) pael mette(n) cro(m)me(n) kerve En(de)/ voirt sal de voirs(creven) peter de drie deele en(de) jan boene tviere(n)/ deel vande(n) vrede houde(n) tussce(n) de(n) voirs(creven) pael mette(n) cro(m)me(n)/ kerve tot op de(n) leste(n) pael voirs(creven) It(em) den vrede strecken(de)/ vande(n) leste(n) pael voirs(creven) t(er) groeve(n) weert ane de tussce(n)/ des voirs(creven) pet(er)s en(de) jans wijng(ar)de t(er) veste(n) weert dien/ sele(n) zij make(n) half en(de) half en(de) wel en(de) loflijc also houden/ te geliken coste tot eeweliken dagen cora(m) borchove(n)/ hortbeke febr(uarii) nona