Tvo(n)nisse vand(er) aensprake(n) gedaen bij heilwige(n) weduwe henr(ics) wile(n)/ va(n) myerlair tot mathijse va(n) myerlair des voirs(creven) wile(n) henr(ics) sone va(n)/ zijne(n) voirbedde Alse vande(n) loone gegeve(n) bijd(er) voirs(creven) heilwige(n) zeke(re)n p(er)sonen/ en(de) na des voirs(creven) huers mans doot va(n) te wy(n)ne(n) zeke(re) lande die de voirs(creven)/ mathijs aenveerdde met zijne(n) medegaderinge(n) als de voirs(creven) henric aflivich/ was metter vruchte(n) dair op gewonne(n) dair de(n) selve(n) loon aen verdient/ was die de voirs(creven) heylwijch meynde dat huer de voirs(creven) mathijs opleggen/ soude sund(er)linge midts dat hij de voirs(creven) vruchte(n) hadde getogen/ vande(n) welken de voirs(creven) mathijs hielt de (con)t(ra)rie en(de) en meynde van/ dien ind(er) voirs(creven) heilwige(n) niet gehoude(n) te zijne wa(re)t zij na des voirscr(even)/ mathijs huers mans doot zijn have hadde aenveerdt en(de) ware d(air)/ om gehoude(n) zijn scout te ghelde(n) Waert gewijst met dese(n) woirde(n) dat/ de voirs(creven) mathijs ongehoude(n) zijn soude va(n) alsulker aensprake(n) als de voirs(creven)/ heylwijch te huerw(er)t gedaen hadde p(rese)nt(ibus) o(mn)ib(us) scab(inis) dempt(o) jasp(ar) abs(oloen)/ julii octava