Wij roel(ants) abs(oloen) doen cond alle(n) lude(n) dat voir ons come(n)/ zijn jan va(n) nethen(en) gehete(n) vande(n) ryele h(er) wout(er) va(n) nethen(en)/ ridde(r) zijn sone p(ri)[us] ema(ncipa)[t(us)] otte van cuyck en(de) jouff(rouwe) vriendelijne/ zijn wijf sust(er) des voirs(creven) h(er) wout(er)s kinnen(de) en(de) liden(de) dat zij met/ malcande(re)n ov(er)come(n) ware(n) vande(n) vorwerde(n) en(de) (con)d(icien) h(ier)na v(er)claert/ die zij deen de(n) ande(re)n gelooft hebbe(n) tond(er)houde(n) en(de) te voldoene/ Inde(n) yerste(n) dat de voirs(creven) h(er) woute(r) met ja(n)ne van wy(n)xele/die en(de) hectoe(r) pauwels die de selve h(er) wout(er) gelooft heeft/ te v(er)vangen de(n) voirs(creven) janne bekinne(n) selen met scepen(en) brieve(n)/ de so(m)me van xxv rijd(er)s tstuc te xxv stuv(er)s lijfpensie(n) te(n) live/ des selfs jans te betale(n) deen helicht te kersmisse en(de) dand(er)/ helicht ts(int) jans(misse) alle jare also lange hij leve(n) sal en(de) niet lange(r)/ ende dierste betalinge inne te gane te kersmisse naestcomen(de) It(em)/ insgelijcx dat de voirs(creven) otte mett jacoppe uute(n) lye(mingh)[en] en(de) ja(n)nese/ m(er)cels die hij oec insgelijcx gelooft heeft te v(er)vange(n) den/ voirs(creven) ja(n)ne oec bekinne(n) sele(n) elcx jaers xxv rijd(er)s ind(er) selve/ manieren It(em) dat de voirs(creven) her wout(er) en(de) otte te same(n) de(n)/ voirs(creven) ja(n)ne va(n) nethen(en) en(de) zijn goede ontlaste(n) sele(n) van nu/ voirtane van dien xxvii r(ijnsche) gul(den) lijftochte(n) Dair inne de selve jan/ met zeke(re)n zijne(r) borge(n) v(er)bonde(n) steet aen roelof roelofs It(em)/ vanden drie mudde(n) corens oec lijfpensien die lambrecht/ puttema(n) heeft aen de(n) voirs(creven) janne en(de) e(n)nige zijne(r) goede(n)/ te kessele gelege(n) It(em) va(n) i pet(er) erfchijs die de(n) outaer va(n)/ s(in)[te] ka(tlij)[ne(n)] in s(in)[te] q(ui)ntins kercke heeft op e(n)nige vande(n) selven/ goede(n) bute(n) d(er) p(er)cpoirte(n) gelegen en(de) va(n) vi(½) rijd(er)s lijfpe(n)s(ien)
//
die de voirs(creven) jan sculdich is yde(n) svroede(n) en(de) oec va(n) xxxix pet(er)s/ eens d(air) in dat de voirs(creven) jan gehoude(n) is ane b(ar)thelmeeus alser welke(r)/ co(m)mer ende last de voirs(creven) wout(er) en(de) otte te gelike(n) laste dragen selen/ ende midts desen sal de voirs(creven) ja(n) va(n) nethen(en) de(n) voirs(creven) h(ere)n wout(ere)n/ en(de) otte(n) als mo(m)boir zijns wijfs behoirlijc ov(er)geve(n) en(de) goede(n) tot hue(re)r/ manisse(n) en(de) elcx van hen alle en(de) yegewelke zijn goed en(de) rinte(n)/ hoedanich die zijn om die bij de(n) selve(n) he(re)n woutere(n) en(de) otte(n) aenveert/ te werden Behoudelijc ja(n)ne zij(n)re tocht inde(n) chijs binne(n) d(er) stad en(de)/ vryheit va(n) loeven(en) also v(er)re het zijn capuyne oude g(r)[o]te oft scelli(n)ge/ goets gelts pe(n)ninge en(de) l(i)b(ra) paym(ents) en(de) niet voirde(r) En(de) behoude(n)/ oec de(n) selve(n) ja(n)ne zijn lijfrente(n) va(n) welke(n) goede(n) de voirs(creven) jan hebbe(n)/ sal alle p(ro)ffite(n) verschene(n) en(de) te v(er)schijne(n) tot s(in)t jansdage naestcom(ende)/ incluys Ende midts dien v(er)gelde(n) allet tgene des d(air) uut tot/ de(n) selve(n) dage toe gevalle(n) is oft vallen sal behoud(en) de(n) p(ar)tien/ voer v(er)claert mair alle(n) co(m)me(r) na de(n) selve(n) sint jansdach vallende/ uute(n) selve(n) goede(n) gaende die de voirs(creven) h(er) wout(er) en(de) otte selen/ aenveerden selen zij te gelike drage(n) It(em) dat de voirs(creven) h(er) wouter/ des voirs(creven) is niet jege(n)staende tzijne(n) laste alleene sal cuele(n) en(de)/ de(n) voirs(creven) ja(n)ne zijne(n) vad(er) en(de) otte(n) en(de) hue(r) goede ontlasten vande(n)/ poente(n) h(ier) na v(er)claert D(air) af de voirs(creven) h(er) wout(er) de pe(n)ni(n)ge heeft/ getogen ierst vande(n) v rijd(er)s lijftochtochte(n) die jan gheylinc heeft/ op e(n)nige vande(n) goede(n) des selfs jans It(em) vande(n) v rijders/ erfrinte(n) die h(er) roelof nijs hadde op e(n)nige vande(n) selve(n) goeden/ It(em) vande(n) drie rijd(er)s lijfpens(ien) die wille(m) smet heeft op e(n)nige vand(en)/ selve(n) goede(n) ende vande(n) acht rijders d(air) inne dat de voirs(creven)/ ja(n) en(de) zijn borge(n) v(er)bonde(n) staen aen ja(n)ne boxhore(n) It(em) is onder/ sproke(n) oft de weduwe andries wile(n) thomas opde voirs(creven) goede die/ de voirs(creven) h(er) wouter en(de) otte ov(er) hebbe(n) sele(n) p(ro)cedeerde en(de)/ betalinge v(er)volchde va(n) alsulke(n) vijftich rijders als heu(r) vande(n)/ goede(n) [die waren] h(ere)n jans vand(er) brugge(n) ridders behoire(n) moege(n) dat/ dan de voirs(creven) h(er) wout(er) en(de) otte in dien gevalle vande(n) voirs(creven)/ vijftich rijd(er)s aen janne va(n) nethen(en) ongehoude(n) soude(n) blive(n)/ It(em) en(de) dese vorwerde(n) sele(n) stat g(ri)pen en(de) acht(er)volcht worde(n)/ so wa(n)neer de voirs(creven) h(er) wout(er) en(de) otte vande(n) voirs(creven) goede(n) die/ zij also ov(er) hebbe(n) sele(n) gesceyde(n) en(de) verdeylt zele(n) zijn en(de) niet/ eer It(em) hebbe(n) de voirs(creven) p(ar)tie(n) geco(n)senteert dat de pe(n)ni(n)ge/ comende vande(n) bossche des voirs(creven) jans gelege(n) te heverle
//
rueren(de) te leene vande(n) he(re) va(n) croy de(n) welke(n) me(n) te(n) meeste(n)/ p(ro)fite v(er)cope(n) sal bekeert sele(n) worden inde schout des voirs(creven)/ he(re)n wout(er)s besund(er) in tgene d(air) inne de voirs(creven) jan en(de) otte/ en(de) oec ande(re) borge(n) des selfs h(ere)n wout(er)s verbonde(n) staen/ alle fraude(n) en(de) argeliste(n) in dese(n) uutgesceyde(n) maii xxi