It(em) alle de voirs(creven) p(er)soe(nen) ex(cep)[t(is)] vii p(ri)mis renu(n)c(iantes) uts(upra) hebbe(n) malcande(re)n gelooft/ in tgene d(air) inne zij voe(r) malcandere(n) verbonde(n) staen te gelike(n) laste te blive(n)/ stane en(de) de selve verbonde en(de) alle laste(n) die d(air) af come(n) mochte(n) gelikelijc/ deen de(n) andere(n) te hulpen drage(n) en(de) malcande(re)n d(air) af inne te stane Te wete(n)/ elc aende(n) andere(n) van d(air) hij voe(r) gelooft heeft als v(er)reycte schout h(ier) inne/ alleene uutgesceyde(n) dat jasp(ar) abs(oloen) en(de) ja(n) van ranshe(n) zijn behuwede sone/ staen en selen mair voir eene(n) p(er)soen tot den selven laste d(air) inne zij/ verlooft zijn en(de) desgelijcx jan gielijs ende barthelmeeus de hont/ voe(r) eene(n) p(er)soen Hebbe(n) voirt malcande(re)n gelooft ind(er) mate(n) als/ bove(n) oft geboirde dat e(n)nich va(n) hen e(n)nich p(ro)ffijt vande(n) voirs(creven) hee(re)/ va(n) bourbon en(de) den ande(re)n die gelove(n) tontheffen gecrege tsijnre lossinge(n)/ behoeff oft dat de voirs(creven) lossinge niet gesciet en ware en(de) zij oft/ e(n)nich va(n) hen tot e(n)niger schade(n) ware(n) come(n) en(de) zij dan oec yet/ voir hue(r) schade gecrege(n) dat zij allet dat hoe luttel oft hoe vele/ dat ware deen de(n) andere(n) also v(er)re zij die schade hadde(n) hulpe(n)/ drage(n) na advena(n)t en(de) altijt t(er) goed(er) trouwen deen de(n) ande(re)n/ te baten soude(n) late(n) come(n) En(de) dat elc des and(er)s onschout oft/ eedt h(ier) af sal moege(n) neme(n) talle(n) tide(n) als p(re)sumpcie ware/ cor(am) eisd(em)