It(em) de voirs(creven) andries in deen zijde en(de) arnt in dande(r) hebbe(n) malcande(re)n/ geloeft want de voirs(creven) lambrecht loet(er)s opde voirs(creven) goede en(de)/ meer ande(re) die de voirs(creven) arnt behelt inder voirs(creven) plaetsen/ gelegen heeft jaerlijx xxxvii mudden cor(ens) nae beg(rij)p vanden/ scepen(en) br(ieve) voirg(enoemt) des selfs lambrechts dat de selve p(ar)tie(n)/ en(de) elc van hen inden gelden(en) vand(en) selve(n) jairlike(n) pachte/ inden gelufte(n) vanden afleggen(en) des selfs pachts en(de) and(er)s/ malcande(re)n voldoen sulle(n) en(de) volcomelijc volve(re)n alsulke(n) (con)cordie/ en(de) v(er)enige als zij hier af met scepen(en) br(ieve) van thienen/ met malca(n)de(re)n hebben gemaect uutgescheide(n) h(ier) inne dat sij/ tot en(de) bove(n) dinhoude(n) vand(en) selve(n) scepen(en) br(ieve) geloeft hebbe(n) daflegge(n)/ dat de(n) selve(n) scepen(en) brief helt te geschie(n) bij beyde de(n) voirs(creven) p(ar)tie(n)/ by(n)ne(n) drie jae(re)n te doen dat zij dat doen sulle(n) bynne(n) twe jae(re)n/ in beyde(n) zijde(n) [te wete(n) va(n) nu ov(er) een jaer] eisd(em)