Item peter van blehain sone wilen her kuerarts van blehain ridd(er)s/ in p(rese)ncia heeft geloeft robberde van lymont woenen(de) te viler/ bij ha(n)nut te goeden en(de) te vestigen tusschen dit en(de) inde vier/ kerstdaghe naestcomen(de) in drie mudden spelten goet ende/ payabel der maten van hoye erflijc op zeke(re) goede en(de) ond(er)/ pande die die selve pet(er) te viler vors(creven) liggen(de) heeft dair/ voe(r) goetgenoech sijnde na prise der scepen(en) vand(en) hove ald(air)/ Et t(antu)m Ende inden gevalle oft de vors(creven) pet(er) des niet en/ dade soe heeft hij geloeft den vors(creven) robberde met zijnder/ guedingen die hij heeft van allen den goeden int generael/ die toetebehoe(re)n plagen ernarde van viler gelegen te ha(n)nut/ en(de) dair omtrent dat hij den selven robberde die getruwet/ heeft die dochter des vors(creven) ernarts om sijns wijfs kynsge/ deelte te vervolgen metter selver zijnd(er) guedingen gheen/ hynd(er) noch letsel doen en sal [en(de) he(m) dat laten v(er)volgen] Ende insgelix heeft/ geloeft de vors(creven) robbert den vors(creven) pete(re)n oft de selve/ pet(er) hem de vors(creven) guedinge en(de) vestich(eit) ten dage vors(creven)/ dade vanden vors(creven) drie mudden spelten dat hij dan renu(n)/ cie(re)nde en(de) v(er)thijden oft [behoerlike] quitancie doen sal van allen den/ goeden die toetebehoe(re)n plagen den vors(creven) ernarde van viler/ ter plaetsen d(air) dat soude mogen behoeve(n) cor(am) roel(ants) m(er)sb(er)ge/ nove(m)br(is) quinta