Het zijn come(n) in rechte voir meye(r) en(de) scepen(en) va(n) loven(e) inde banc henric/ mottijn gehete(n) heyberch die na den rechte der stad va(n) loeven(e) come(n) en(de) geleit/ is tot alle(n) de(n) goede(n) beyde have en(de) erve henri damoede woenen(de) te brocquyt/ man en(de) mo(m)boir johanne(n) weduwe henry wile(n) mahan zijns wijfs benoit le/ mariscal man en(de) mo(m)boir yden cocleon weduwe wile(n) machont alart/ vairon boudart mottijn ende louys sone jacops le febvre va(n) brocquyt man/ en(de) mo(m)boir machtilden m(er)tijne(n) en(de) marie(n) huerre w(er)dinne(n) so v(er)re die bleve(n)/ zijn na de doot jans wile(n) mahault en(de) zijnre kijnde(re) in deen zijde en(de) jan/ ha(n)narde die na de(n) rechte d(er) selver stad va(n) loeven(e) geleit is tot alle(n)/ den goede(n) beyde have en(de) erve jans de mollijn sone wile(n) gorts woenen(de) te/ beaulieu inde p(ro)ch(ie) van laetwijc Welke jan getrout heeft maroye(n) wettige/ docht(er) yden wilen mahault die zij hadde va(n) ja(n)ne wile(n) savetrop ende/ docht(er) was des voirs(creven) jans wile(n) mahault in dandere Alse van alle(n) de(n)/ onberuerlike(n) ende erfgoede(n) gebleve(n) na de doot des voirs(creven) wile(n) jans/ mahault dair inne de voirs(creven) jan ha(n)narde yesch des voirs(creven) jans de mollijn/ wijfs moeder kinsgedeelte hopende dat hij in dien midts zijne(n) voirs(creven)/ beleyde soude worde(n) gehoude(n) Na den welke(n) de voirs(creven) heyberch de/ voirs(creven) geheel goede aensprac seggende de voirs(creven) jan ha(n)narde dat hij/ met zijne(n) voirs(creven) beleyde d(aer) aen v(er)doolt ware wa(n)t de voirs(creven) wille(m) save/ trop en(de) zijn wijff vad(er) en(de) moed(er) der voirs(creven) maroye(n) hadden huer/ kinsgedeelte inde(n) voirs(creven) goede(n) en(de) vele meer gehadt in huweliker/ vorwerden midts de(n) welke(n) zij bute(n) deylinge(n) soude(n) blive(n) dat de/ voirs(creven) henric mottijn met meer andere(n) poente(n) boot te thoene(n) P(rese)nteren(de)/ dair op de voirs(creven) jan ha(n)narde he(m) v(er)antwerdende dede segge(n) dat/ hij hoopte dat de voirs(creven) aenleggere zijn v(er)medt ne(m)m(er)meer thoene(n)/ en soude mair boot te thoene(n) hoe de voirs(creven) wile(n) jan mahaut de goede/ besete(n) hadde en(de) hoe die voirts gesuccedeert ware(n) en(de) come(n) tot he(m) en(de)/ zijne(n) beleide Desgelijcx boot hij oec te thoene(n) dat de bekind(er)s va(n) des/ voirs(creven) aenlegg(er)s brieve alle de gereede goede acht(er) de(n) voirs(creven) wile(n) ja(n)ne/ mahault gebleve(n) hadde(n) aenveerdt en(de) te hemw(er)t getoge(n) met meer woerde(n)/ bij he(m) inden selve(n) v(er)antwerde(n) gebracht Dair op na aensprake v(er)antw(er)de(n)/ ende thoenisse va(n) beyde p(ar)tie(n) d(aer) inne de voirs(creven) aenlegg(er)s dede(n) blijken/ ende volcomelijc thoenden dat de voirs(creven) savetrop met zijne(n) wive/ vad(er) en(e) moeder der voirs(creven) maroyen in huwelik(er) vorwerden hadde(n) gehadt/ vande(n) voirs(creven) wilen ja(n)ne mahault ii m(ud)[de] corens erflijc die afgequijdt/ ware(n) met xl guld(en) crone(n) en(de) (½) boender lants dat vercocht was en(de) dat/ vorwerde was dat zij d(aer)mede vande(n) ergoede(n) bute(n) blive(n) soude(n) gewijst/ werdt bij vo(nn)sse d(er) he(re)n scep(enen) va(n) loeven(e) t(er) manisse(n) smeyers datme(n)/ de(n) voirs(creven) henr(icke) heyberch vand(en) voirs(creven) goede(n) houde(n) soude in zijne(n)/ / beleyde op de p(rese)ntacie die hij als voirs(creven) is gep(rese)nteert hadde p(rese)nt(ibus)/ witte beert vync m(er)cels no(vem)[b(ris)] xiii