It(em) vander aensprake(n) die goffart de camp woenen(de) te tillr(e) gedaen heeft voe(r)/ meye(r) en(de) scepen(en) va(n) loeven(e) tot henricke goffart ale vander bladingen en(de)/ vruchte(n) van drie stucke(n) erfs hoven(de) ond(er) s(in)te g(er)trude(n) va(n) nyvelle en(de) gelege(n)/ inde p(ro)chie va(n) tillr(e) te weten van xv vijff mate(n) lants gehete(n) messure(n) gelege(n)/ t(er) hayette(n) en(de) va(n) eene(n) dachmael lants gelege(n) d(aer) bove(n) welke vruchten/ de voirs(creven) goffart meynde dat hem de voirs(creven) henr(ic) gelooft hadde te richte(n)/ en(de) te restitue(re)n byeden(de) dat te thoene(n) mette(n) gheene(n) die ov(er) de wrede/ hadde(n) geweest in alsoe v(er)re hij de(n) gront d(er) voirs(creven) goede gewynne(n)/ conde en(de) dat hij de(n) selve(n) gront gewonne(n) hadde en(de) mette(n) richte en(de)/ mette(n) vo(n)nisse dat boet hij oic te thoene(n) Hopen(de) waer hijt gethoene(n) conste/ dat de voirs(creven) henr(ic) gehoude(n) zijn soude de vors(creven) restitucie te doen des/ hij hem getroeste totte(n) richte Vande(n) welke(n) de voirs(creven) henr(ic) v(or)werde(n)/ hielt de (con)trar(ien) en(de) en meynde inde(n) voirs(creven) goffart niet gehoude(n) te wese(n)/ bij div(er)se(n) pointe(n) die hij oic inleyde en(de) p(rese)nteerde te thoene(n) Was/ gewijst met dese(n) woirde(n) nae aensprake v(er)antw(er)den en(de) thonisse va(n) beyden/ p(ar)tie(n) dat de voirs(creven) henr(ic) goffart ongehouden zijn soude va(n) alsulker/ aenspraken als de voirs(creven) goffart te hemw(er)t gedaen hadde p(rese)nt(ibus) o(mn)ib(us)/ scab(inis) dempto nausnyde(re) no(vem)[br(is)] xxiii