Also als sekere(n) stoot en(de) gescille geweest is tussce(n) janne va(n) coude(n)berge/ in deen zijde en(de) gheerde van coude(n)berghe zijne(n) brueder vande(n)/ nabedde in dande(re) om een vierdel wijng(ar)ts gelege(n) opde(n) galchberch/ die henric de coni(n)c nu houden(de) is en(de) de voirs(creven) jan tande(re)n tide(n) den/ voirs(creven) henricke heeft v(er)cocht die de voirs(creven) gheert hoopt dat hem toe/ come(n) en(de) va(n) zijne(n) oud(er)s verstorve(n) is ende vande(n) coste(n) va(n) rechte/ die de selve gheert uutgeleecht heeft om de(n) selve(n) wijng(ar)tt/ te gecrige(n) en(de) dien jege(n) de(n) voirs(creven) zijne(n) brueder te bedinghen(e)/ desgelijcx va(n) xxviii stuv(er)s die de voirs(creven) jan de(n) selve(n) zijne(n) brueder/ van gerekende(n) ghelde sculdich is En(de) t(er) ande(r) zijde(n) van div(er)sen/ coste(n) en(de) lasten die de voirs(creven) jan tandere(n) tide(n) gehadt ende gelede(n) heeft/ om de goede des voirs(creven) gheerts te outhev(er)le gelege(n) te bescudde(n)/ en(de) te v(er)antwerde(n) als de voirs(creven) gheert bute(n) lants was en(de) men hem/ d(aer) aen ongebruyc dede met des dese(n) pointe(n) voird(er) aencleeft/ En(de) de selve p(ar)tie(n) gebruede(re)n hen vande(n) selve(n) stoete gekeert en(de)/ gesubmitteert hadden inde eendrechtige uutsprake van vrancken/ willem(air) burg(er)meester gerardus va(n) baussele sec(re)tar(is) joes de/ pape en(de) gord luycx en(de) voir de(n) rade vand(er) stad gelooft te/ houden al des de selve segge(re)n h(ier) op met sonne schijne uutspreke(n)/ souden So hebben de selve seggere(n) hue(r) eendrachtige uutsp(ra)ke/ gedaen ind(er) maniere(n) h(ier) na verclaert te weten dat de voirs(creven) gh(er)t/ de(n) voirs(creven) wijng(ar)t t(er) manisse(n) zijns brued(er)s voirs(creven) afgaen sal en(de) derve(n)/ met rechte tot behoef vande(n) coep(er)e voirs(creven) die dien heeft gecocht/ alsoe dat de voirs(creven) jan die de waerscap d(aer)af heeft gelooft en(de)/ de selve coep(er)e d(aer) mede sulle(n) wese(n) verwaert ende dat midts/ dien de voirs(creven) gheert ongehoude(n) sijn sal vande(n) coste(n) en(de) lasten/ gedaen en(de) gelede(n) te outhev(er)le bij also dat de selve jan [on]gehouden/ zijn sal t(er) and(er) zijde(n) vande(n) voirs(creven) coste(n) va(n) v(er)volge en(de) gedinge/ om de(n) voirs(creven) wijng(ar)t en(de) oec vande(n) voirs(creven) xxviii stuv(er)s en(de) dat d(aer)toe/ / de voirs(creven) jan va(n) coude(n)berge de(n) voirs(creven) gh(er)de betale(n) sal te paessche(n) naestco/ mende als v(er)reycte schout viii rijd(er)s te xxv st(uvers) stuc en(de) tot dier tijt/ toe dat de(n) selve(n) t(er)mijn ov(er)lede(n) zijn sal en(de) dat de voirs(creven) jan de voirs(creven)/ viii rijd(er)s betaelt sal hebbe(n) en sal de selve jan de(n) voirs(creven) zijne(n) brued(er)/ niet moege(n) dwinge(n) te moete(n) aflegge(n) die drie rijd(er)s lijfpe(n)sie(n) dair/ af hij borghe is des selfs gheerts cor(am) smacht substitut(o) burg(omagistro)/ et plurib(us) aliis no(vem)[b(ris)] xxiiii