Item also aert m(ar)celijs gehete(n) vand(er) moelen onlanx hadde doen co(m)me(re)n/ eene(n) waghen toebehoiren(de) den goidshuyse van vliederbeke onder de banck/ van cortbeke ov(er)loe met sesse mudde corens loevensche opde(n) selve(n) waghe(n)/ liggende de(n) selve(n) cloestere toebehoiren(de) Om d(air)op voirt te vare(n) na/ der banck recht ende te v(er)reycken tsijne in mynd(er)nisse(n) vand(er) schout die/ hem tvoirs(creven) goidshuys sculdich is En(de) jan inden vos inde dorpst(ra)te en(de)/[vacat] de becke(re) inde dorpstrate jege(n) de(n) sloetel gemeynt hebbe(n)/ ende meynden dat tvoirs(creven) coren hen toebehoirde en(de) nyeman(ne) anders/ Want zijt jegen de(n) abt des voirs(creven) goidshuys hadde(n) v(er)co gecocht en(de)/ wel betaelt En(de) hadde(n) als poirt(er)s vander stad de(n) vorg(enoemde) aerde h(ier) om/ doen dach doen int recht voir meye(r) en(de) scepen(en) va(n) loeven(en) dair de voirs(creven)/ aerdt meynde dat hij voirt zijn recht op tvoirs(creven) core(n) volgen soude/ Het en ware dat de voirs(creven) p(er)sone woude(n) zweren dat hen tvoirs(creven) coren/ p(ro)perlijc toebehoirde alst gerasteert w(er)t en(de) op hue(re)n last en(de) perikel come(n) was/ in sulker mate(n) oft verswene(n) hadde dat zij inder schade(n) soude(n) hebbe(n) gevalle(n)/ welke(n) eedt zij niet en meynde(n) te doene maer hoopte(n) der aensprake(n) onge/ houde(n) te wesen Waert gewijst bij de(n) he(re)n scepen(en) va(n) loeven(en) t(er) manisse(n) smeyers/ na aensprake en(de) v(er)antwerde(n) va(n) beyde(n) p(ar)tien Wair de voirs(creven) ii p(er)sone den
//
voirs(creven) eedt niet doen en derren dat dan de voirs(creven) aert zijn recht/ op tvoirs(creven) core(n) voirt volge(n) soude t(er) plaetse(n) d(air) hij bego(n)ne(n) hadde/ Dair na zij hen des voirs(creven) eedts afdroege(n) en(de) d(air) af renu(n)cierden/ p(rese)ntib(us) o(mn)ib(us) scabinis junii xv