Cont zij allen lieden dat diericx van wolmershem geheten bellens/ in p(rese)ncia heeft genome(n) van jouffr(ouwe) marien van e(re)nboudeghem die/ goede hier na bescreve(n) Te weten inden yersten vi dachmale lants/ gelegen achter spapenhof Item een dachmale opden delleputte Item i(½)/ dach(male) viertschoeff gelegen voir de goede machtelt smets Item i(½) dach(male)/ viertschoef aenden putte te gobbelsrode Item ii dach(male) opten savel broeclant/ Item iii dach(male) achter wille(m)me vanden velde opt broeclant Item iii sille(n)/ zeele lants achter willems vanden velde schue(r) It(em) xxvi roeden dair/ neven Item een eusel geheten den hou Item een eeusel geheten/ delake Item een eeusel voir der monict Item eene(n) hof gehete(n) den/ rijkardeel Item een dach(male) beemps drie zeele beemps en(de) tderdel/ van (½) boend(er) gelen beemps gelegen in drie stucken inde dunber/ gerbeempde inde p(ro)chie van corttelke Te houden te hebben en(de)/ te wynnen van half merte nu lestleden eenen termijn van xii jae(re)n/ lanc deen na dand(er) zond(er) middel vervolgen(de) Elx jairs dae(re)n/ bynnen de vors(creven) wynnen(de) lande om en(de) voir vijf mudden rox en(de)/ een halster erweten al goet en(de) payabel der maten en(de) pacht van/ loven(en) met wanne en(de) vederen wel bereit ts(inte) andries messe apost(el)/ te betalen en(de) te loven(en) te leve(re)n der vors(creven) jouffr(ouwe) marien kath(er)ine(n)/ en(de) lijsbetten hue(r) dochte(re)n aut alt(er)i oft opde ... myle omgaens/loven(en) dair hen [d(er) vors(creven) jouffr(ouwe)] best gelieve(n) sal quolibet ass(ecutu)[m] En(de) de vors(creven)/ beempden [weyden] en(de) eeuselen om en(de) voir xii scilde te xiiii st(uvers) tsjaers/ tstuc elx jaers ts(inte) mertens messe inden wynter te betalen den/ vors(creven) drie p(er)sonen aut alt(er)i quolib(et) ass(ecutu)[m] Item es vorweerde dat/ de vors(creven) wynne de vors(creven) beempd(en) eeuselen oft weyden bynnen/ sijne(n) vors(creven) t(er)mijne niet breken noch wynne(n) en sal mogen zond(er)/(con)sent der vors(creven) jouffr(ouwe) Item sal de vors(creven) wynne sijne(n) t(er)mijn/ due(re)nde inde voirs(creven) pechtinge oic hebben een eeusel gehete(n)/ evershem voir de twee gedeelte van iiii cap(uynen) en(de) xxxiiii d(enieren) chijs/ sonder meer d(air)af te gheve(n) jairlix te kersmesse te gelden Item/ sal de vors(creven) wynne jairlix den vors(creven) termijn due(re)nde sond(er)/ afslach des vors(creven) steet betalen alle den chijs die jairlix gaet/ uuten eeusel geheten den hou vorg(eruert) Item sal de vors(creven) wynne/ jairlix zijne(n) vors(creven) termijn lanc due(re)nde de vors(creven) v lande wy(n)ne(n)/ werven en(de) mesten wel en(de) loflic [talle(n) vruchte(n)] gelijc reengenoete(n) boven/ en(de) beneden en(de) ten leste(n) jare als [de] vors(creven) p(ar)tien va(n) malcande(re)n gescheide(n)/ zullen sijn sal de vors(creven) wynne de brake en(de) stortte om doen want/ hijse vant omgedaen tsijne(n) aencome(n) en(de) alsdan oic sal de vors(creven) wy(n)ne/ besaeyt laten wel en(de) loflic een dach(male) terwen gelege(n) achter/ spapen hof Item en(de) ii dach(male) rox d(air) neven Item een dach(male) rox opde(n)/ delleputte [en(de) iii dach(male) somercorens achter de velde] gelijc reengenoete(n) bove(n) en(de) benede(n) en(de) desgelix oic/ noch i(½) dach(male) rox opt broecvelt broeclant Item iii dach(male) somer/corens achter de velde Item sal de vors(creven) wynne ten lesten jair/ als hij gescheiden sal sijn van sijns selfs meste mesten iii dach(male)/ stortten en(de) vier dach(male) brake gelijc reengenoete(n) bove(n) en(de) benede(n)
//
want hij die tsijne(n) aencome(n) bevant gemest vand(er) vors(creven) jouffr(ouwe) meste Item/ es vorweerde wart dat sake dat de vors(creven) wynne bynne(n) den vors(creven)/ t(er)mijne e(n)nige ande(re) lande die hij houden(de) is mergelt dat hij der/ vors(creven) jouffr(ouwe) also veele lants dair tegen mergelen sal vand(en) lande/ vors(creven) Item sal de vors(creven) wynne bynne(n) den vors(creven) t(er)mijne eens sayen/ een halster lijsaeyts Item sal de vors(creven) wynne jairlix der vors(creven) jouffr(ouwe)/ doen een corweyde met zijne(n) wagen en(de) p(er)den te loven(en) en(de) oic/ desgelix een voed(er) appele(n) aldair bringen Item de vors(creven) wynne sal/ de vors(creven) goede zijne(n) termijn lanc due(re)nde houden van palen [en(de)] wegen/ oft sijns selfs goede wa(r)e die beken veghen en(de) de straten maken tege(n)/ de vors(creven) goede liggen(de) daers te doen sal zijn sonder e(n)nige(n) cost/ der vors(creven) jouffr(ouwe) Ende alle dese vorweerden (con)dicie(n) en(de) gelooften/ vorg(eruert) hebben de vors(creven) p(ar)tie(n) malcande(re)n gelooft te voldoene (et)c(etera) borch(oven)/ zande maii xxix