Opden stoet die was tusschen huwart clemout en(de) ernken zijn sone/ als pechtene(re)n en(de) thiendene(re)n der he(re)n van sinte bertelmeeus te/ luydic tot gest en(de) dair omtrent met gaders den geco(m)mitteerden/ der selver cap(it)len in deen zijde en(de) janne rosseal die voermaels/ wynne en(de) thiendene(r) gheweest is der vors(creven) he(re)n in dande(re) Alse/ vander thienden vanden vruchten gecomen vanden goeden der/ vors(creven) cap(it)len toeghste lestleden Es op heden bij burg(emeesteren) en(de) ande(re)n/ vanden raide geappointeert en(de) uutgesproken dat de vors(creven) jan/ rosseal den vors(creven) huwarde en(de) sijnen sone restitue(re)n sal de helicht vand(er)/ weerden vander selver thienden ter taxacien van goeden mannen/ aldair die zij dairtoe van beyden zijden nemen zullen en(de) dair op/ zullen de vors(creven) vader en(de) zone den vors(creven) he(re)n den pacht vand(er) geheelder
//
thienden betalen Ende mits desen zullen deselve huwert en(de) sijn sone/ ten afscheiden vander pechtinghen te henwert behouden deen helicht/ vander thienden vanden lande der pechtingen die dan ten lesten jare/ bevrucht zullen zijn En(de) tot dien zullen de selve huwert en(de) zijn sone/ te hue(re)n leste ja(r)e op hue(re)n last afdoen dwynter coren vanden selven/ lesten jare ende dat bringen inder schueren der vors(creven) he(re)n en(de) hen/ betalen tderdel vanden gheheelen pachte tsinte andriesmesse dair/ na volgen(de) en(de) tstroe en(de) tcaf int hof laten sonder dair inne/ recht te behouden desgelix zullen de selve huwert en(de) zijn sone/ volgen ten lesten jare en(de) na hue(re)n afscheiden tgars van ii beempde(n)/ te weten den beempt geheten le demy preit te mons saint andrieu/ en(de) den beempt geheten a fontaine gelege(n) te gest a geropont/ act(um) oct in pleno (con)silio oct(obris) xvii