Item vanden stoote opverstaen tusschen jannesse opden berch ter/ eender zijden en(de) janne van santberge de jonge in dande(re)/ alse vanden bossche gelegen te bethekem die de vors(creven) jannes/ tegen des vors(creven) jans van santberghe vader gecocht heeft en(de)/ van al des dair aen cleeft en(de) oic allen ande(re)n saken/ die zij tegen malcande(re)n mogen hebben totten dage van hede(n)/ uutstaende hebben hen de selve p(ar)tien verbonden ende/ gesubmitteert inde uutsprake van henr(icke) tribouts woenen(de)/ tarscot bij also dat de selve p(ar)tien den vors(creven) henr(icke) in weder/ sijde vander vors(creven) saken informacie gheve(n) zulle(n) tusschen dit/ en(de) dijsend(age) naestcomen(de) en(de) zijn uutsprake d(air) af doen bynnen/ eender maent dair na volgen(de) p(ro)mitt(entes) rat(um) opp(endorp) cocker(oul)/ januario x