SAL7352, Act: R°162.1 (341 of 660)
Search Act
previous | next
Act R°162.1  
Act

Transcription

2019-10-17 by kristiaan magnus
It(em) voe(r) den raide vander stad es van giel(is) va(n) cortbeke na(tur)lec sone/
gielis wijlen van cortbeke geheete(n) de mu(n)te(re) te rechte betogen jouffr(ouwe)/
margriete switte(n) weduwe des voers(creven) wijlen gielis o(m)dat de voers(creven)/
weduwe alsoe de voers(creven) aenlegger meynde onder hebbe(n) soude seke(re)/
scepen(en) brieve(n) va(n) loven(en) van xvi rijders tsjaers lijfpensien die nu/
alleene souden op des voers(creven) aenleggers lijf besedt op seke(re) goede/
bauld(uin) smale he(re) va(n) brousberge en(de) va(n) rous miror toebehoe(re)nde die/
de voers(creven) gielis de vader voermaels cochte tot zijne(n) en(de) des voers(creven)/
zijns soens live Beghe(re)nde en(de) versuekende de selve aenlegg(er)/
die v(er)cleerde dat de voers(creven) brieve va(n) e(n)nigen p(er)soene(n) in hande(n) der/
voers(creven) weduwe(n) oft huerd(er) vriende zijder de doot sijns vaders wae(re)n/
gesien de selve brieve tot zijne(n) behoef en(de) ande(re) diese meer hebbe(n)/
mochte alleen op hem nu spreken(de) tot hue(re)r eedt brachte onder de/
stad om daer af voert gedaen te werden des va(n) reden(en) en(de) rechts/
wegen behoe(re)n sal soude Daer jegen huer de voers(creven) weduwe met/
hue(re)n vrinden opponeerde ende ontkinde e(n)nige alsulke brieve nae/
doot huers voers(creven) mans onder te hebben maer versochte oft huer/
de voers(creven) aenlegger aenspreke(n) woude dat hij dat dade voer meye(r)/
en(de) scepen(en) va(n) loven(en) als poirtersse vander stad daer zij te rechte/
behoirde Daer ten uut(er)sten nae dese reden(en) en(de) ande(re) reden(en) va(n) beyde/
den voers(creven) p(ar)tien met den voers(creven) bauld(uin) smale ov(er)dragen en(de) gesloten/
wert inder stad raide met vollen gevolge dat de voers(creven) p(ar)tien/
met den voers(creven) bauld(uin) smale dien die de voers(creven) sake(n) oec insdeels/
aenghingen mynlike(n) dach houden soude va(n) in dond(er)dage naestcomen(de)/
in viii dagen op hope va(n) v(er)eenigen Ende oftse niet v(er)enigen en/
consten soe soude de voers(creven) weduwe des and(er)daighs d(aer) nae bijden/
stad raide ind(er) stad handen en(de) totte(n) rechte bringen alle de brieve/
den voers(creven) aenlegg(er) aengaende tot huerd(er) eedt nae der stad recht/
om dae(re)ntynde(n) daer inne ende voert inder questien en(de) gescille(n)/
den voers(creven) bauld(uin) smale aengaende gedaen te werden alsoe behoire(n)/
soude Act(um) et (con)clus(um) [alte(r)a] post festu(m) v s(an)c(t)i pauli ap(osto)li p(rese)nt(ibus) kers(makere) cockroul/
burg(imagistris) et plur(ibus) all(iis) ta(m) scab(inis) q(uam) iur(atis) januar(ii) xxvi
ContributorsJos Jonckheer , Greet Stevens , Inge Moris
Moderated byMi-Je Van Gils
Last update: 2012-09-13 by Sabrina Keyaerts