It(em) de voirs(creven) gielis sal hem t(er)stont doen leyen tot alle(n) den goeden/ have en(de) erve d(er) voirs(creven) joufr(ouwe) m(ar)garete(n) en(de) dbeleyt gedaen salmen/ de(n) scoutbrief te nieute doen en(de) dbeleyt sal blyve(n) ond(er) scepen(en) ter (con)dicie(n)/ h(ier) na volgen(de) Te weten waert dat den voirs(creven) gielise oft sijne(n) nacomel(in)ge(n)/ met rechte afgewonde(n) wo afgewo(n)nen worden alsulken huys en(de) hof te/ dieste gelegen als hij jegen de voirs(creven) jouffr(ouwe) gecregen heeft alst blijct uuten/ brieve va(n) wae(re)ndeerscap h(ier) na volgen(de) oft d(at) deselve gielis int selve/ wae(re)ndeerscap e(n)nich gebrec vonde dat de vors(creven) gielis dat gebrec mette(n)/ met alle coste [en(de)] co(m)me(re)n van rechte die hij daer o(m)me leden hadde aen/ de goede d(er) voirs(creven) jouffr(ouwe) en(de) inden voirs(creven) beleyde begrepen v(er)halen/ en(de) v(er)reyken soude En(de) oft hen den voirs(creven) gielise h(ier) af last quame/ oft dat hij vand(en) voirs(creven) goede(n) bove(n) den voirs(creven) scepen(en) brief va(n) genoech/ doene oft waerscape gemoyt worde soe sal hij dat der voirs(creven) jouffr(ouwe)/ oft hue(re)n nacomelinge(n) oft hue(r) gebrake tot hue(re)n woenhuyse nu t(er) tijt/ te loven(en) inde donckerstrate gelegen naest den goede(n) willems/ wijle(n) vand(er) balct alsdan moten cundigen en(de) goetstijts om dat/ zij tv(er)antwerde(n) soude(n) hulpe(n) doen En(de) oft ten selve(n) huyse de voirs(creven) jouffr(ouwe)/[noch] oft hue(re) erfgename(n) die mette(n) voirs(creven) beleyde geprampt mochte(n) sijn niet/ en woende en(de) deghene die d(aer) inne woende deren voirs(creven) gielise oft/ sijne(n) nacomeli(n)gen cundigde e(n)nich plaetse opde iiii mijlen omgaens/ der stad van loven(en) d(aer) de voirs(creven) jouffr(ouwe) oft hue(re)n erfgename(n) voirg(enoemt)/ te winde(n) wae(re) dair selen de voirs(creven) gielis en(de) sijn nacomelingen oic/ gehouden sijn de voirs(creven) conde te doene en(de) niet vord(er) cor(am) eisd(em)