It(em) laureys stamelaert in p(rese)ncia heeft genome(n) en(de) beki(n)t dat hij genome(n) heeft van/ jonch(e)r godfroide vors(creven) de goide h(ier) nae bescreve(n) Inden yersten xviii dach(mael) lants in des(er) p(ar)tie(n)/manie(re)n Inden yersten v dach(mael) lants geheete(n) mispele(re) gelegen op dlangvelt tusscen/ den goede(n) des selfs jonch(e)r godfroits in beyden sijden It(em) een boend(er) lants/ gelege(n) op dov(er)ste velt ond(er) dbosch van nethen(en) tusscen den goeden jonch(e)r godfroite/ vors(creven) in beyden sijden It(em) vi dach(mael) lants gelege(n) ald(aer) tusscen den goede(n) des jonch(e)r(e)n/ vors(creven) in beiden sijden It(em) noch iii dach(mael) lants gelegen dair ond(er) tusscen den goede(n)/ jonch(e)r godfroits vors(creven) in deen sijde en(de) jans de prijke(re) in dande(re) Te houde(n) en(de) te hebbe(n)/ van s(in)te andriesmisse dat was anno lv eene(n) t(er)mijn van ix jae(re)n lanck v(er)volgen(de)/ Elx jairs om en(de) voe(r) x mudde(n) rocx en(de) een sister goet ende payabel [d(er)] maten van loven(en)/ met wanne en(de) m(et) vede(re)n wel bereit alle jae(re) sinte andriesmisse apostels te betale(n)/ en(de) te loven(en) te leve(re)n den vors(creven) jonch(e)r godfroit en(de) henrike [van e(re)nboudege(m)] aut alt(er)i quol(ibet) ass(ecutu)[m] It(em)/ de vors(creven) [vijf] dachmael sal de vors(creven) laureys wynne(n) werve(n) [saeyen] en(de) meste(n) wel en(de) loflic/ gelic reengenoete(n) bove(n) en(de) beneden te(n) afsceide(n) van sijne(n) vors(creven) t(er)mijne It(em) dboend(er)/ lants vors(creven) sal hij late(n) brake tsijne(n) afsceide(n) It(em) de vors(creven) vi dach(mael) sal hij laten/ besaeyt met even(en) en(de) de drie dach(mael) brake eisd(em)