Tvo(n)nisse vanden gedinge dat voir meye(r) en(de) scepen(en) van loven(en) gewijst es tusscen/ jouffrouwen maghdaleene(n) loenijs weduwe dierix wile(n) van langrode in deen/ zijde en(de) janne loenijs hue(re)n brueder in dande(re) alse van vier gulde(n) rijders lijfpen(sien)/ gecocht voirmaels bij janne de pape die anthonijs van langrode sculdich/ was en(de) dair voe(r) de vors(creven) jans loenijs borge w(er)t ter beg(er)ten des vors(creven) dierix/ alsoe hij seyde ende hadde alsoe v(er)re de vor d(aer) o(m)me der vors(creven) weduwe(n) en(de)/ sij(n)re suster [voirs(creven)] gevolcht met rechte dat gewijst w(er)t dat sij den vors(creven) hue(re)n brued(er)/ lossen moeste dwelc sij alsoe sij vonde in hue(re)n aenspraken hadde gedaen op/ xv rijd(er)s nae oft dair omtrint die de vors(creven) jan hadde gecleert met sijnder/ eet dat hem noch gebraken en(de) die p(rese)nteerde de vors(creven) weduwe hem te/ cortten aen de xxvii(½) rijd(er)s dieme(n) huer van huer(er) moed(er) montcoste/ sculdich was dwelc de vors(creven) jan oic sculdich was alsoe te doene/ nae begrijp van zeke(re)n t(er)minacie(n) vand(er) stad alhier geloopen dair o(m)me de / vors(creven) sijn suster hem aensprack hoopen(de) dat de voirs(creven) huer brueder
//
huer quijtsceldinge vander vors(creven) saken geven soude en(de) te nyeute doen dbeleyt/ dair o(m)me op huere goede gedaen en(de) dat de voirs(creven) huer brueder dat oic nae/ seke(re) t(er)minacien hier af [oic] geloope(n) dit toegeseeght hadde te doene dat thoende/ sij oic hoopende dat huer dair o(m)me gescien soude jegen dwelc de vors(creven)/ jan hem opponeerde etc(etera) was gewijst ten uut(er)sten nae aensprake verant/ weerde(n) en(de) thoenisse van beyden p(ar)tien dat de vors(creven) p(ar)tien naevolgende/ den voirt(er)minacie(n) vand(er) stat en(de) den vors(creven) thoenisse malcande(re)n voldoen/ souden cor(am) roelofs beert prijke(re) m(er)cels julii xxviii/