Het zijn comen te rechte inde banc voir meye(r) en(de) scepen(en) van/ loven(en) gort hanckart die naden rechte d(er) stat va(n) loven(en) geleit is totten goeden/ gorts de raet in deen zijde en(de) jouffr(ouwe) sainte va(n) graven weduwe jans wilen/ van duffle d(er) welcker voirmaels int jair xiiii[c] xlvi met meye(r) en(de) scepen(en) va(n)/ loven(en) voir gebrec va(n) vi ryns gul(den) erflic met cost en(de) co(m)mer d(aer) op geloope(n) met/ rechte gelevert zijn geweest alrehande goede en(de) ond(er)pande toebehoe(re)nde/ gielise va(n) hoye die de selve vi r(yns) gul(den) hadde vercocht te geldenake te hupain/ en(de) dair omtrent gelegen ende onder dande(re) vier boend(er) erfs luttel myn/ oft meer geleg(en) te hupain ende daer omtrint inde p(ro)chie va(n) geldenake/ in div(er)sen stucken neven ghescreve(n) onder dit selve vonis/ De welcke de voers(creven) goert hanckart aensprack seggen(de) dat dese/ goede wijlen toebehoirden gielize va(n) hoye die die eene(n) tijt va(n) jae(re)n/ hielt en(de) besadt als zijn p(ro)per erve daer nae hij die vercocht eene(n)/ geheeten ernart reinart die die oic hielt eene(n) zeke(re)n tijt va(n) jae(re)n/ als zijn p(ro)per en(de) daer uut starf als uut sijne(n) p(ro)pre(n) erve en(de) dat/ des voers(creven) goerts raets wettich wijf daer af es de naeste levende
//
ende van wettigen bedde want zij wae(re) des voers(creven) ernarts reynarts/ wettige docht(er) Dese pointe(n) en(de) meer ande(re) boot de voers(creven) gordt te/ thoene(n) hopen(de) waer hij die gethoene(n) conste dat hem en(de) zijne(n) voers(creven)/ scepen(en) brieve(n) de voers(creven) goede volgen sullen souden en(de) sculdich wae(re)n/ te volgen Op dwelck de voers(creven) weduwe hue(r) v(er)antw(er)den(de) dede seggen/ dat wijlen huer man int jaer xiiii[c] xxxvi tegen de(n) voers(creven) gielize va(n)/ hoye op de voers(creven) goede en(de) meer ande(re) cochte en(de) gecreech vi rijnsch/ gulden(en) erflijcke rinte(n) met scepen(en) brieve(n) va(n) loven(en) staende te quiten/ elcken pe(n)ninc met xviii Welke rinte(n) de selve jan eene(n) tijt va(n) jae(re)n/ hief en(de) besadt zund(er)linge tot den jae(re) va(n) xlvi als hem de voers(creven) goede/ met meer ande(re)n sijne(n) toebehoirte(n) ond(er)pande(n) voer gebreck va(n) zijne(n)/ voers(creven) rinten gelev(er)t wae(re)n Ende tot dier tijt hadde de voers(creven) giel(ize)/ de voers(creven) goede besete(n) als zijn p(ro)per erve en(de) nae der voers(creven) leve(r)inge(n)/ hadse de voers(creven) jan va(n) duffle voe(r) sijn leefdage lanck en(de) de voers(creven)/ weduwe na hem gehoude(n) en(de) besete(n) totte(n) dage toe va(n) heden En(de)/ dat de voers(creven) pointe(n) waer wae(re)n boot de voers(creven) weduwe te thoene(n)/ mette(n) mynsten daer sij mede lijden mochte inde(n) rechte Hopen(de) wair/ sij die pointe(n) gethoene(n) conste dat zij inde leveringe vand(en) voers(creven)/ goede(n) blive(n) soude en(de) sculdich wae(re) te blive(n) Tegen dwelck de/ voers(creven) goerdt hanckart repliceerde en(de) hoopte dat de voers(creven) wedewe/ h(ier) mede v(er)doelt wae(re) en(de) huer v(er)medt nu(m)m(er)meer thoene(n) en soude wa(n)t/ hij boodt te thoene(n) dat de voers(creven) wijle(n) jan va(n) duffle jegen de(n) voers(creven)/ gielize va(n) va(n) hoye voermaels gecocht hadde tussche(n) xvii ende/ xviii boender lants elc boend(er) om xx rijnsche r(ijnsche) gulden(en) dair/ vorwerde was dat de voers(creven) vi r(ijnsch) gulden(en) erflijc gecordt soude(n)/ worden en(de) dat die goede de voers(creven) weduwe en(de) hue(re) wynne/ opden dach va(n) heden onder hue(re) ploech hadde(n) Alsoe dat nae/ aensprake en(de) v(er)antwerden de scepen(en) va(n) loven(en) beyde p(ar)tien/ tot hue(re)n bethoene gewijst hebben Ende ten dage dair toe/ gestelt en conde de voers(creven) aenlegge(re) negheensins come(n) tot/ zijne(n) v(er)mete maer de voers(creven) weduwe thoente volcomelijc/ soe met scepen(en) brieve(n) va(n) loven(en) soe mett(er) scepen(en) reg(ist)re soe/ met levender wairheit tghene des zij hue(r) in hue(re)n v(er)antw(er)de(n)/ bij expres v(er)meten hadde Nae den welcken ten uut(er)sten de he(re)n/ scepen(en) va(n) loven(en) t(er) manissen smeyers nae aensp(ra)ke v(er)antwerden en(de)/ thoenisse va(n) beyde(n) p(ar)tien dat de voers(creven) goerdt hanckart met/ zijne(n) beleyde aende de voers(creven) goede v(er)doelt es alsoe verre/ alst noch voer scepen(en) comen es P(rese)nt(ibus) om(n)ibus scab(inis) febr(uarii) xiii