Na dat gielijs va(n) raetshove(n) sec(re)tar(is) d(er) stad va(n) thien(en) inde(n)/ name en(de) va(n) wege(n) d(er) selv(er) stad op hede(n) come(n) is voir de(n) rade/ opdoende dat de huysvrouwe jacops blancart oft hue(re) dienere/ tot loeven(en) hadde doen rastere(n) eene(n) geheten [vacat]/ ingeseten van thiene(n) begheren(de) te weten de sake vande(n) rastemente/ om d(aer) op va(n) wege(n) d(er) stad va(n) thiene(n) en(de) d(er) p(ar)tie(n) tantwerde(n)/ Ende de voirs(creven) jouff(rouwe) blancarts d(aer) jege(n) co(m)pare(re)nde geseecht heeft/ dat hue(re) rastem(en)t gesciet ware om te hebbe(n) betalinge va(n) v(er)loepen(en)/ erfrinte die zij hadde op de voirs(creven) stad na inhoude(n) hue(re) brieve/ dair af zij recht en(de) execucie begh(er)de En(de) de voirs(creven) gielijs d(aer) op/ geantwerdt heeft dat tusscen de voirs(creven) stad en(de) de(n) pe(n)sionar(is)/ van loeven(en) voirmaels een (com)posicie en(de) tractaet gesciet ware beg(ri)pen(de)/ hoe vele en(de) in wat maniere(n) de stad va(n) thiene(n) aende voirs(creven)/ pensionar(is) soude betale(n) en(de) gestaen d(aer) af dat de(n) t(er)mijn alnoch/ duere(n) soude vier jae(re) oft d(aer) omtrint Na inhoudt vande(n) welke(n)/ hij inde(n) name vand(er) stad p(rese)nt(er)de te voldoene Hopen(de) d(aer) mede/ te gestane niet jege(n)staen(de) dat de vors(creven) jacop noch zijn wijf/ d(aer) in niet en hadde(n) ge(con)se(n)teert Gem(er)ct dat zij gelijc de(n) ande(re)n/ pe(n)sionar(is) te(n) tide(n) vand(er) voirs(creven) (com)posicie(n) geroepe(n) hadde(n) geweest/ en(de) dat de selve (com)posicie bij wete(n) vand(er) stad rade van loeven(en)/ en(de) de(n) meeste(n) gevolge vande(n) pensionar(is) ware gesciet Welke/(com)posicie de vors(creven) jouffr(ouwz) blancarts inde(n) t(er)mijn ontkinde So es/ get(er)min(er)t dat de voirs(creven) jacop en(de) zij gelijc de(n) ande(re)n pensionar(is)/ va(n) loven(en) int gemeyne met de(n) inhoude(n) vander selver (com)posicie(n)/ te vrede(n) sele(n) moete(n) zijn en(de) datme(n) hue(r) sal late(n) aenhoire(n)/ de copie vand(er) voirs(creven) composicie(n) om hue(r) d(aer) na te vuegen/ Actu(m) in pleno (con)silio no(vem)[b(ris)] xvii