Item es vorweerde dat de vors(creven) jan alst hem gelieft sal doen leiden tot/ allen den goeden have en(de) erve des vors(creven) arnts soe v(er)re hem die/ verstorven zijn na doot der weduwen mertens wilen luycx ende/ die hem andersins opden dach van heden toebehoe(re)n met condicien/ dat dbeleit gedaen zijnde sal bliven onder scepen(en) den termijn van/ vier jae(re)n lanc in orber des vors(creven) arnts en(de) hem dae(re)nteynden/ gegeven worden Mair de vors(creven) jan sal de goede dair mede moge(n)/ bedingen wynnen en(de) v(er)liesen en(de) tegen dande(re) megelinge deilen ter/ goeder truwen zonder den vors(creven) arnde tonterven en(de) sal gehouden/ zijn den vors(creven) arnde ten eynde vanden vors(creven) iiii jae(re)n rekeni(n)ge [en(de) bewijs] te/ doen vanden zijnen en(de) dair af trecken redeliken cost cor(am) eisd(em) en(de) des/ hij hem dueghdelijc sculdich sal wezen cor(am) eisd(em)