Wij reyne(re) wijtvliet en(de) qui(n)te(n) coukeroul scepen(en) te loven(en) doen cond en(de) te/ weten dat opten dach van heden dat(en) van desen voir ons come(n) sijn in p(ro)pe(re)n/ p(er)sone jan han vervangen(de) in de na bescreve(n) saken sijnd(er) suster de weduwe/ lambrechts wile(n) hontoy en(de) hue(re) kinde(re) en(de) oic alle ande(re) dient meer aengaen/ mach t(er) eenre sijden ende pauwels van meltbroec als geleit met scepen(en)/ brieve(n) van loven(en) tot den goede(n) willems marscalcx mette(n) selve(n) willem(me)/ mairscalc en(de) janne v(er)geertruyden sijne(n) swager welc wille(m) marscalc en(de)/ jan v(er)g(er)truyen insgelix v(er)vange(n) hebben en(de) op hen genome(n) te des(er) saken/ alle de ghene den welken dese sake van hue(re)r zijden soude moge(n) aengaen/ in dande(re) welke p(ar)tien und(er)linge met malcande(re)n bij ond(er)wijse van hue(re)n/ vriende(n) en(de) bij beden van scepen(en) van loven(en) voir de welke zij tege(n) malcande(re)n/ om der goede wille h(ier) nae geclairt in rechte hadde(n) gestaen en(de) trecht/ gevordert tot den uut(er)lijken vo(n)nisse excluys op de eenswordden sijn en(de)/ overcomen der pointe en(de) (con)dicien hier nae v(er)clairt die zij deen dande(re)/ gelooft hebben volcomelic te voldoene tonderhoude(n) en(de) tachtervolgen/ Yerst sijn de selve p(ar)tien ov(er)comen dat de vors(creven) pauwels en(de) sijn p(ar)tie van/ nu voirtaen voir hen hue(re)n erve(n) en(de) nacomelinge(n) sonder stoet oft crot/ des vors(creven) jans hans of sijnd(er) wederp(ar)t medep(ar)tien de goede [en(de) proprieteyt] dair questie/ af was Te weten sekere lande houden(de) omtrint elf boender gelegen/ omtrint rumsdorp in seke(re)n stucken aldair tot eeuwige(n) dagen v hebben/ en(de) behouden selen en(de) dat de vors(creven) jan han en(de) sijn medep(ar)tie dair aen/ selen hebben heffen en(de) behouden die tweelf mudden corens erfspachts/ die sij van outs dair op gehat en(de) gehave(n) mogen hebben Aen welke xii/ mudde cor(ens) de selve jan han [pauwels] noch sijn medep(ar)tie den vors(creven) janne han/ noch sijnd(er) medep(ar)tien voirtaen oic gheene(n) stoot noch hynder doen noch/ maken en selen moge(n) [voir wat gerichte de vors(creven) jan oft de sijne die hier naemaels volgen wouden] elc van hen tsijne houdende ombeledt vand(en) ande(re)n/ in sulken rechte alst bij hen oft hue(re)n vorde(re)n gehouden was ter tijt als/ de vors(creven) wijlen lambrecht hontoy voir den vors(creven) erfpacht volghde ende/ dien uutwynnen mochte dierste betalinge vand(en) vors(creven) erfpachte/ ingaende ts(en)t andriesmisse naistcomen(de) en(de) niet eer Item sijn de/ selve p(ar)tien voirt overcomen dat de vors(creven) pauwels en(de) sijn mede/ p(ar)tie(n) sculdich selen sijn voir goet en(de) van weerden te houden alsulke(n)/ uutgeve(n) en(de) pechtinge(n) due(re)nde negen jair lanc als de vors(creven) jan han/ vand(en) gronde der vors(creven) goeden gedaen heeft aen goerde feyten ende/ alse vand(en) vruchten gewassen toeghst lestleden opde vors(creven) goede
//
dair af sal trecken de vors(creven) jan han de vijfgedeelte en(de) de vors(creven) pauwels/ tsestedeel en(de) de negen mudde(n) corens die oic sint andriesmisse/ lestleden van so(m)mige vand(en) vors(creven) goeden verschenen sijn aenden wyn/ die vier boend(er) dair af besaeyt heeft die selen volgen den vors(creven)/ pauwelse en(de) sijnd(er) wederp(ar)tien Ende want de vors(creven) jan han int/ bestaeden der voirs(creven) goede e(n)nige van sijne(n) ande(re)n goeden mede v(er)pacht/ heeft dair af e(n)nige sijn thiende vry Soe es vorweerde dat elc/ vand(en) vors(creven) p(ar)tien vand(er) vors(creven) pechtinge(n) trecke(n) sal sijn advena(n)t ter/ goeder ma(n)ne(n) prise en(de) ter rechtverdig(er) estimatie(n) d(aer) inne gemerct dat/ vry goede van thienden beter sijn dan ande(re) Voirt es vorweerde/ oft de vors(creven) p(ar)tien van desen deen vand(en) ande(re)n e(n)nige voirde(re) vestich(eit)/ oft claernisse behoifde(n) die hen mogelic wae(re)n van doen(e) dar elc den/ ande(re)n die t(er) manisse(n) sculdich sal sijn te doen(e) tot allen behoirliken/ en(de) behoifliken plaitse(n) ten coste vanden ghene(n) die die sal beghe(re)n/ en(de) selen de vors(creven) v(er)vangende p(er)sone(n) gehouden sijn de ghene die sij/ v(er)vange(n) t(er) manisse(n) vand(en) wederp(ar)tien totter vors(creven) clairnisse(n) en(de) vestich(eit)/ te bringen al sond(er) argelist decembr(is) xx/