It(em) de(n) voirs(creven) brieff is de(n) voirs(creven) sone bekint te dier meyni(n)ge(n) dat hij/ d(aer) mede en(de) mette(n) beleyde h(ier) na volgen(de) na de doot des voirs(creven) henr(ix) zijns/ vaders en(de) magriete(n) swynt(er)s zijns wijfs en(de) des lanxte leven(de) van hen/ beyde(n) trecken sal en(de) aenveerde(n) alle de goede die de voirs(creven) henr(ic) op den/ dach va(n) heden mechtich is en(de) na zijn doot blive(n) sele(n) also wale de beruerl(iken)/ alse onberuerlike hoe zij genoemt moege(n) wesen Met bespreke dat de/ voirs(creven) gehuyssche hen oec mette(n) voirs(creven) br(ieve) anderssins sele(n) moege(n) behulpe(n)/ en(de) de goede bescudde(n) en(de) die oec wed(er) te nyeute doen soe lange zij/ beyde sele(n) leven mair na de doot vande(n) eene(n) va(n) hen sal dit vaste/ moeten blive(n) behalve(n) dat de lancste leven(de) vanden gehuysscen tochte(re)/ sal blive(n) vande(n) onberuerlike(n) goede(n) en(de) die hier mede bescudden en(de)/ v(er)antwerde(n) sond(er) v(er)coepe(n) oft v(er)thiere(n) eisd(em)/