Item navolghen(de) der uutspraken gedaen op heden voir middach/ tusschen wille(m)me van mere met gad(er)s gheerde amours in/ deen zijde en(de) willem(me) van monseal in dande(re) heeft de/ vors(creven) gheert bij consente en(de) ov(er)gheve(n) des vors(creven) willems/ sijnen eedt gedaen te(n) heylighen dat buyten den scepen(en) br(ieve)/ van loven(en) die de vors(creven) gheert en(de) willem opden vors(creven)/ wille(m)me van monseal spreken(de) hebben [de selve willem] hem sculdich is/ en(de) belanc des hier na volght Te weten yerst neghen/ mudden corens drie halst(er) even(en) drie salute tstuc in xxv st(uvers)/ en(de) gelooft te zijne van ii rijd(er)s lijftochten d(aer) af de selve/ gheert v(er)wonde verbonde(n) steet aen h(e)r(e)n janne van sinte/ goricx ridd(ere) en(de) de vors(creven) resten boven allet ghene des/ de vors(creven) gheert inden vors(creven) willem(me) va(n) monseal gehoude(n)/ mochte zijn cor(am) cocker(oul) burg(imagistro) vync et eod(em) cocker(oul)/ scabinis junii xxiii/