Cont zij allen liede(n) dat wout(er) ty(m)m(er)mans sone wijle(n) aerts woenen(de)/ te goetsenhove(n) in p(rese)ncia heeft genome(n) en(de) bekint dat hij genome(n)/ heeft jegen goerde va(n) godsenhove(n) sone wijle(n) gorts gheerts sijn/ hof geheete(n) vande(n) kerchove mette(n) huysen hove(n) wynnende lande/ houden(de) omtrint xxxi(½) boend(er) en(de) ande(re)n toebehoerte(n) gelijc dat/ beleg(en) es te godsenhove(n) Te houde(n) te hebbe(n) en(de) te wynne(n) van/ halfmerte dat was int jaer xiiii[c] lvi lestlede(n) eene(n) t(er)mijn/ va(n) sesse jae(re)n lanck sonder middel volgen(de) elcx jaers dae(re)n/ bynne(n) elc boender voer ii sacke corens mate en(de) pacht/ va(n) thiene(n) goet en(de) payabel met wanne(n) en(de) vede(re)n wel/ bereyt alle jae(re) tsint andriesmisse apostels te betalen(e) en(de)/ op (½) mile omgaens den voers(creven) hove te leve(re)n daert de(n) voers(creven)/ gelieve(n) sal quolib(et) ass(ecutu)[m] It(em) heeft hij [noch] genome(n) als voe(r) vier boend(er)/ beemts in eene(n) stucke geleg(en) te gotsenhove(n) geheete(n) de wouwer/ beemde den voers(creven) t(er)mijn lanc due(re)nde elx jaers om en(de) voer/ xli gulden(en) te x stuv(er)s tsuck tstuck half tsinte remeys misse/ en(de) half tsinte mertens misse te betalen(e) quolib(et) ass(ecutu)[m] It(em) sal/ de voers(creven) wynne de voers(creven) lande wynne(n) werve(n) en(de) meste(n) wel/ en(de) loflijc gelijc reengenoete(n) boven en(de) bened(en) en(de) tsijne(n) afsceyde(n)/ sal hij die late(n) also hij die aenverde te wete(n) besayt gelijc reen/ genoete(n) wel en(de) loflijc It(em) sal de voers(creven) wyn jaerlijcx leve(re)n/ int voers(creven) hof v[c] walme(re) goet en(de) cusbaer om de huyse aldaer/ mede te decken daer af de wynne voers(creven) den wercliede(n) den/ montcost geve(n) sal op dat zijn voersete dat te doen plach en(de)/ de voers(creven) goerdt sal de dachue(re)n betalen It(em) sal de voers(creven) wynne de/ huysinge houden vander und(er)ster rijkelen nederwerdt en(de) de voers(creven)/ goerdt vander und(er)ster rijkele(n) ned(er)[op]werdt in goede(n) state en(de) It(em)/ sal de voers(creven) wynne jaerlijcx leve(re)n den voers(creven) goerde ii halster/ erwete(n) en(de) ii halst(er) raepsaets It(em) sal de voers(creven) wynne jaerlijcx alle/ de chijse en(de) pacht die tvoers(creven) pacht hof jaerlijcx bove(n) des voers(creven)/ steet sculdich mach zijn betalen in afcortinge(n) des voers(creven) es alsoe/ in tijts dat den voers(creven) gorde daer af gheen scade en come want/ hij die scade soude moete(n) gelde(n) Ende dese vorw(er)de(n) opp(endorp) lyntre/ nove(m)br(is) vi[ta]/