Item item arnt reers sone wilen reyners cled(er)make(re) in p(rese)ncia heeft gelooft/ gesekert en(de) ten heyligen gezworen met gestaefden eede op eenen/ banduyn van twee r(ijnsch) guld(en) totns [ons] gened(ichs) he(re)n behoef tonderhouden en(de)/ te voldoene de pointe en(de) condicien en(de) gelooften hier na vercleert/ gorde hanckart Inden yersten dat hij den selven gorde [hanckart] tusschen dit ende/ van in sondaghe over viii dagen naestcomen(de) des avons behoirlick/ goeden en(de) vestighen sal voir alle behoirlike he(re)n en(de) hoven inden goeden/ hier na bescreven Inden yersten inde helicht van drie vierdelen/ lants gelegen inde creythoeve Te weten die helicht die gelegen is/ te houd(er)t weert tusschen de wed(er)helicht die henr(icken) reers brueder/ des vors(creven) arnts in deylingen gevallen is op deen zijde den goede(n)/ henr(ix) moens op dande(re) en(de) de herstrate aldair opde derde zijde
//
Item in xvi roeden lants luttel myn oft meer gelegen te houd(er)t/ neven de goede jans godens opde streke tusschen arnde reers/ oem des vors(creven) jans en(de) arnts en(de) de beke aldair Item in tderde/ gedeelte van eenen halven boend(er) beemps in tshe(re)n beempde/ gelegen inde(n) elst neven de goede ts(er)jonche(re)n van zichen(en)/ Item in een half dachmale beemps gelegen int wyngerbroec/ tusschen dbosch geheten potghiete(re) ende den quadenpoel Item/ dat hij den selven gorde tusschen dit en(de) den vors(creven) sondach met/ katlijnen zijnen wijve desgelix behoirlike guedinge/ en(de) vestich(eit) doen sal van eenen stucke wynnens lants houd(ende)/ vijf vierdelen paulo gelegen ts(ent) peters rode inde gulden delle/ tusschen woute(re)n de zweertveghe(re) en(de) wille(m)me wittebolle En(de)/ dat de selve arnt met zijnd(er) werdynnen insgelix den vors(creven) gorde/ bynne(n) den vors(creven) tijde goede vestich(eit) en(de) ond(er)pande van erve/ te rode oft elswair gelegen xxx r(ijnsch) gul(den) eens bove(n) allen last en(de)/ co(m)mer d(aer) uut gaende wel weert zijnde setten sal voir/ eenen guld(en) leen lijfpensien talsulken live(n) als den vors(creven) gorde/

gelieven sal Item dat hij bynnen den vors(creven) middelen tijde/ den vors(creven) gorde behoirlike guedinge en(de) vestich(eit) sal doen hebben/ voir behoirlike hove en(de) he(re)n vanden goeden hier na bescreven/ die arnt reers vors(creven) oem des vors(creven) arnts den hee(re) inde hant/ opgedragen heeft tot behoef des selfs arnts zijns neven Te/ weten inden yersten van eenen dachmale lants gelegen te/ houd(er)t inde hoeve te nurode tusschen janne baus ter eend(er)/ zijden en(de) [vacat] ter ande(re) Item van xvi roeden lants/ gelegen te houd(er)t tusschen de xvi roeden lants voirg(enoemt) ende/ symone oliviers Welcke vors(creven) ii porcelen de vors(creven) arnt gelooft/ heeft te warand(eren) op twee lyebaers gront chijs en(de) vort van/ allen ande(re)n calangien also dat den vors(creven) gorde genoech zij Item/ dat de selve arnt alle laste en(de) costen van pontghelde ende/ and(er)sins int erven vanden vors(creven) goeden en(de) oic int vors(creven) verond(er)pand(en)/ vallen(de) en(de) geborende dragen sal en(de) d(aer)af den vors(creven) gorde ontlasten/ Ende want de vors(creven) porcelen [va(n) goeden] en(de) de vors(creven) leen lijfpensien [die] de/ vors(creven) arnt gelooft heeft te veronderpanden niet en connen/ verstringhen de wettighe schout die de selve arnt den vorscr(even)/ gorde sculdich is Soe sal de vors(creven) gort met eenen scepen(en) brieve/ van loven(en) van eenen rijd(er) lijfpensien dien hij opden vors(creven)/ arnde steven bouwens en(de) meer ande(re) spreken(de) sal heeft altijt/ alst hem gelieft om tot betalinge(n) van dien te come(n) mogen vortvae(re)n/ en(de) die verhalen d(aer)t hem gelieft want die schout in des vors(creven) steet
//
niet gecort en is Ende oft de vors(creven) arnt namaels bevonden wordde/ na goede rekeni(n)ghe meer inden vors(creven) gorde gehouden zijnde dat/ hij dat altijt met zijnen beleide sal mogen v(er)halen opde goede/ des selfs arnts Cor(am) coninc forest(ario) lyemi(n)gen col(onia) scab(inis) dec(embris) ult(im)[a]/