SAL7354, Akte: R°277.2-V°277.1 (618 van 773)
Akte R°277.2-V°277.1
Act
Datum: 1461-03-27
Transcriptie
2015-01-07 door kristiaan magnusItem also als de bruwe ca(m)me geheten den torff gelegen inde hoolstrate/
buyten sinte michiels poorte opden hoec vander ravestrate(n) over/
eenen tijt van jae(re)n voirleden zee(re) vergaen en(de) vervallen is also datme(n)
//
dair inne niet meer en soude connen gebruwen mair waer gescapen de plaetse/ dair af ledich te bliven liggen(de) mits dat jan baille vorste(re) en(de) zijn suster die/ getruwet heeft janne vanden zijpe en(de) erfgenamen souden wesen vanden/ vors(creven) erve hen niet verdragen en connen dat geliker hant te v(er)coopen oft/ dueghdelike deylinghe d(aer)af und(er)linge te doen Also dat de stat dair uut/ gescapen was aen hue(re) assijse en(de) and(er)s v(er)lies en(de) achterdeel te lijden Soe/ es de vors(creven) jan baille vortijts comen voir den raide vand(er) stat dese sake te/ kynnen gheven(e) Bege(re)nde den vors(creven) sijnen zwager en(de) sust(er) die hen tsame(n)/ niet en verdragen mair van een sitten bedwongen te worden tvors(creven) erve/ gelikerhant te v(er)coopen oft deylinge d(aer)af na recht te maken alsoe dat/ behoerde Op dat tvoirs(creven) erve dan mocht wordden gerepareert want/ al wouden zijn vors(creven) swager en(de) sust(er) tvoirs(creven) erve mits hue(re)r discordien laten/ v(er)gaen hij en wout tsijne niet verloren laten Aldair de vors(creven) janne/ baille bijder stat raide geconsenteert was d(er) vors(creven) ca(m)me(n) te hulpe(n) te come(n)/ en(de) die van noetliker behoeften te doen rep(ar)eren t(er) last en(de) proffite van/ hem en(de) vand(en) vors(creven) sijne(n) swager en(de) sust(er) en(de) van hue(re)r beid(er) kynde(re) dat zij/ tsamen hebben Ende dair na heeft de vors(creven) jan baille de vorscr(even)/ ca(m)me met hue(re)r toebehoerte(n) boven den co(m)mer d(aer) uutgaende gedragen(de)/ eene(n) gulden(en) rijd(er) erflic gesedt op drie guld(en) rijd(er)s erflic elcken te/ quijten met xviii rijd(er)s offerende noch den vors(creven) zijnen swager en(de)/ suster dat zij hem opleiden de helicht vand(er) vors(creven) rep(ar)acien ende/ nament derve vors(creven) ov(er) en(de) daden hem vestich(eit) vand(er) vors(creven) renten/ oft hij p(rese)nteerde derve te behouden en(de) hen vestich(eit) van hue(re)n deele/ der vors(creven) renten te doen Des de vors(creven) jan vande(n) zijpe gheen van/ beiden aennemen en woude noch dair toe v(er)staen bij trecht Mair/ sijn wijf sust(er) des vors(creven) jans van welcker zijden de vors(creven) goede come(n)/ wae(re)n was metter vors(creven) renten voir hue(r) en(de) hue(re)n erfgenamen/ te vreden Alsoe dat hier op ten uut(er)sten na vele handelinghe/ die dair af bijden raide vand(er) stat geweest was get(er)mijneert/ en(de) overdragen wert en(de) den vors(creven) p(ar)tien voir recht uutgesproken/ dat de vors(creven) jan vanden zijpe zoude moegen kyesen de helicht vand(en)/ vors(creven) erve aenteverden Betalende de helicht vand(er) rep(ar)acien voirs(creven)/ ter wettiger wairheit En(de) oft hij des niet doen en wille soe sal de/ vors(creven) jan baille den gront der vors(creven) goede aenverden voir zijn/ erve opde helicht vand(er) vors(creven) renten den vors(creven) swager en(de) suster d(aer)/ uut te gheven ind(er) maten oft tusschen hen hier af deylinghe/ oft guedinghe wae(re) gheschiet Ende tot desen heeft/ geconsenteert de voirscr(even) jan baille van overtuldicheiden/ van rechte dat hij tdeel des vorscr(even) renten van zijnen/ vors(creven) zwagher en(de) zuster ny(m)mermeer quijten noch lossen/ en sal mair hem die laten heffen Actum in pleno/ consilio m(ar)tii xxvii/
//
dair inne niet meer en soude connen gebruwen mair waer gescapen de plaetse/ dair af ledich te bliven liggen(de) mits dat jan baille vorste(re) en(de) zijn suster die/ getruwet heeft janne vanden zijpe en(de) erfgenamen souden wesen vanden/ vors(creven) erve hen niet verdragen en connen dat geliker hant te v(er)coopen oft/ dueghdelike deylinghe d(aer)af und(er)linge te doen Also dat de stat dair uut/ gescapen was aen hue(re) assijse en(de) and(er)s v(er)lies en(de) achterdeel te lijden Soe/ es de vors(creven) jan baille vortijts comen voir den raide vand(er) stat dese sake te/ kynnen gheven(e) Bege(re)nde den vors(creven) sijnen zwager en(de) sust(er) die hen tsame(n)/ niet en verdragen mair van een sitten bedwongen te worden tvors(creven) erve/ gelikerhant te v(er)coopen oft deylinge d(aer)af na recht te maken alsoe dat/ behoerde Op dat tvoirs(creven) erve dan mocht wordden gerepareert want/ al wouden zijn vors(creven) swager en(de) sust(er) tvoirs(creven) erve mits hue(re)r discordien laten/ v(er)gaen hij en wout tsijne niet verloren laten Aldair de vors(creven) janne/ baille bijder stat raide geconsenteert was d(er) vors(creven) ca(m)me(n) te hulpe(n) te come(n)/ en(de) die van noetliker behoeften te doen rep(ar)eren t(er) last en(de) proffite van/ hem en(de) vand(en) vors(creven) sijne(n) swager en(de) sust(er) en(de) van hue(re)r beid(er) kynde(re) dat zij/ tsamen hebben Ende dair na heeft de vors(creven) jan baille de vorscr(even)/ ca(m)me met hue(re)r toebehoerte(n) boven den co(m)mer d(aer) uutgaende gedragen(de)/ eene(n) gulden(en) rijd(er) erflic gesedt op drie guld(en) rijd(er)s erflic elcken te/ quijten met xviii rijd(er)s offerende noch den vors(creven) zijnen swager en(de)/ suster dat zij hem opleiden de helicht vand(er) vors(creven) rep(ar)acien ende/ nament derve vors(creven) ov(er) en(de) daden hem vestich(eit) vand(er) vors(creven) renten/ oft hij p(rese)nteerde derve te behouden en(de) hen vestich(eit) van hue(re)n deele/ der vors(creven) renten te doen Des de vors(creven) jan vande(n) zijpe gheen van/ beiden aennemen en woude noch dair toe v(er)staen bij trecht Mair/ sijn wijf sust(er) des vors(creven) jans van welcker zijden de vors(creven) goede come(n)/ wae(re)n was metter vors(creven) renten voir hue(r) en(de) hue(re)n erfgenamen/ te vreden Alsoe dat hier op ten uut(er)sten na vele handelinghe/ die dair af bijden raide vand(er) stat geweest was get(er)mijneert/ en(de) overdragen wert en(de) den vors(creven) p(ar)tien voir recht uutgesproken/ dat de vors(creven) jan vanden zijpe zoude moegen kyesen de helicht vand(en)/ vors(creven) erve aenteverden Betalende de helicht vand(er) rep(ar)acien voirs(creven)/ ter wettiger wairheit En(de) oft hij des niet doen en wille soe sal de/ vors(creven) jan baille den gront der vors(creven) goede aenverden voir zijn/ erve opde helicht vand(er) vors(creven) renten den vors(creven) swager en(de) suster d(aer)/ uut te gheven ind(er) maten oft tusschen hen hier af deylinghe/ oft guedinghe wae(re) gheschiet Ende tot desen heeft/ geconsenteert de voirscr(even) jan baille van overtuldicheiden/ van rechte dat hij tdeel des vorscr(even) renten van zijnen/ vors(creven) zwagher en(de) zuster ny(m)mermeer quijten noch lossen/ en sal mair hem die laten heffen Actum in pleno/ consilio m(ar)tii xxvii/
Nagekeken door: Jos Jonckheer
Moderator: Jos Jonckheer
Laatste update:: 2013-09-04 door Kristiaan Magnus