SAL7354, Akte: R°324.3-V°324.1 (700 van 773)
Akte R°324.3-V°324.1
Act
Datum: 1461-05-19
Transcriptie
2015-01-29 door kristiaan magnusItem vanden stoote die geweest is tusschen wille(m)me swaefs en(de)/
machtelde(n) sijne(n) wijve in deen zijde ende margarete(n) weduwe/
gielis wilen van overwynghe met gielise hue(re)n wettighen sone/
te voren uuten broede van zijnd(er) moeder vors(creven) gedaen in dande(re) hebbe(n)/
hen de selve p(ar)tien gesubmitteert en(de) verbonden om der questien/
wille die gehanghen heeft [beide] voir meye(r) en(de) scepen(en) en(de) d(er) stat van/
loven(en) van eten oft van drincken en(de) vort van deylingen e(n)niger/
goede hen toegecomen en(de) oic van allen saken tusschen den vors(creven)/
p(ar)tien uutstaende totten daghe van heden inder eendrechtig(er)/
uutspraken van hue(re)n vrienden h(ier) na v(er)claert Te weten(e) de vors(creven)/
gehuyssche in janne van pamele en(de) gorde de cuype(re) en(de) de vors(creven)/
m(ar)gr(ete) met hue(re)n sone in lambrechte de man en(de) henr(icke) sterck/
in sulker vueghen dat de vors(creven) seggers de saken en(de) questien wael
//
verstaen en(de) thoenisse van al des behoef gehort hue(re) uutsp(ra)ke/ dair af doen sullen op dat zijs eens worden bynnen vi weken/ naestcomen(de) oft bynnen den selven tijde dair af een vo(n)nisse/ halen voir scepen(en) van loven(en) gelijc oft met rechte bedingt/ wae(re) Promitt(entes) rat(um) En(de) oft p(ar)tien segge(re) gebrake dat zij/ altijt ande(re) gelike in die stat nemen sullen moegen/ Cor(am) naus(nidere) colonia maii xix/
//
verstaen en(de) thoenisse van al des behoef gehort hue(re) uutsp(ra)ke/ dair af doen sullen op dat zijs eens worden bynnen vi weken/ naestcomen(de) oft bynnen den selven tijde dair af een vo(n)nisse/ halen voir scepen(en) van loven(en) gelijc oft met rechte bedingt/ wae(re) Promitt(entes) rat(um) En(de) oft p(ar)tien segge(re) gebrake dat zij/ altijt ande(re) gelike in die stat nemen sullen moegen/ Cor(am) naus(nidere) colonia maii xix/
Nagekeken door: Jos Jonckheer
Moderator: Jos Jonckheer
Laatste update:: 2013-09-04 door Kristiaan Magnus