Het zijn comen voir den raide vand(er) stat jacop van acxele van/ mechelen en(de) heeft aengesproken janne boone jans sone/ vleeschouwe(re) van xxvii ryns guld(en) die de selve jan bone/ onder zijnen zeghel tande(re)n tijden gelooft hadde eenen/ janne cnobbout? van gorrekem oft den bringer vand(en) brieve/ tot eene(n) zeke(re)n dage ov(er)leden zijnde bege(re)nde als bringer/ va(n)d(en) selven brieve betalinge te hebben Dair teghen de/ vors(creven) jan bone hem opponeerde Meynen(de) dat hij die/ so(m)me also niet betalen en zoude mair dat jan bart oic/ tande(re)n tijden de vors(creven) schout gecocht hadde also nu gedaen/ mocht hebben de vors(creven) jacop Dwelc tegen trecht wa(r)e/ en(de) alsoe v(er)re men met hem t(er) reden(en) hier inne omgaen/ woude hij woude bescheit doen oft and(er)s versocht hij/ aengesproken te wordden met rechte Also dat ten uut(er)ste(n)/ de raet vand(er) stat de sake stelde van hue(r) seggende/ p(ar)tien oft yemant hadde aentespreken met rechte dat zij/ dat daden en(de) metten rechte also dairt en(de) also dat behoerde/ P(rese)ntib(us) pynnoc cock(eroul) burg(imagistris) et plurib(us) aliis de consilio ap(ri)lis/ xv