It(em) mathijs herrot van sint jansgheest in p(rese)ncia heeft genome(n)/ en(de) bekint dat hij genome(n) heeft van he(re)n jorise vande(n) putte p(ro)cur(eur)/ des goidsh(uys) van ts(er)togeneylande van ghempe inde(n) name van de(n) selve(n)/ goidshuyse alle de lande die tvoirs(creven) goidshuys liggende heeft tsint/ jansgheest gelijc jan wilen del croix voir en(de) de voirs(creven) mathijs na/ die gehoude(n) hebben Te houden te hebben ende te wynne(n) vanden/ maent van oechste lestleden eenen t(er)mijn van xiii jare(n) lang v(er)volgen(de)/ Elcx jaers darenbinnen te wete(n) de naeste vier jae(re)n lang naest/ comende om en(de) voe(r) vii mudde corens goet en(de) payabel d(er) mate(n) en(de)/ pacht van thienen en(de) dander ix v(er)volgende jaren om vier mudde core(n)s/ mate(n) van thiene(n) en(de) pacht van sint jansgheest en(de) iiii mudde tarwen/ maten van thien(en) voirs(creven) alle jare tsinte andriesmisse ap(oste)ls te betale(n)/ en(de) te thiene(n) te levere(n) inder herbergen des voirs(creven) goidshuys aldair [de(n) proefst] oft/ den voirs(creven) p(ro)cur(eur) oft ande(re)n des gemechticht bringe(re) sbriefs q(u)[o]l(ibet) ass(ecutu)[m] It(em)/ is vorwerde dat de voirs(creven) wynne alle den last uuten voirs(creven) goeden
//
gaende alle jae(re) zijne(n) t(er)mijn dueren(de) betale(n) sal also in tijts dat tvoirs(creven)/ goidshuys dair bij gheen schade en lijde It(em) sal de voirs(creven) wynne binne(n)/ den voirs(creven) tide alle de voirs(creven) lande eens wel en(de) loflijc ov(er)merghelen/ ende telken sesse jare(n) eens ov(er)mesten It(em) sal de voirs(creven) wynne de goede/ late(n) tsijne(n) uutgane also hijse vandt tsijne(n) innecomen Te wete(n) de(n) wynt(er)/ en(de) someraert al bloot Mair al eist soe dat hij de brake te wete(n) de/ v dach(mael) al geheel vandt tsijne(n) innecome(n) sal hij nochtan de selve/ laten op drie getidege voren en(de) des sal de selve wynne hebben zijn/ ploech recht ten p(ri)se van lantwynne(n) hen des v(er)staende Inde e(st) fideiuss(or)/ engelbert(us) puttart f(ilius) quond(am) joh(ann)is (com)mor(ans) apud lu(m)men in p(ar)ro(chia) de zittert/ in t(er)ritorio namurien(si) Et p(ri)m[(us)] cor(am) zande col(onia) ap(ri)lis xv/