Item (christ)ine weduwe arnts wilen robbijns die tande(re)n tijden/ met janne de smet sone wilen jans van bruessele van allen/ stoote die zij underlinghe(n) hadden oft hebben mochten met eender/ mynliker uutspraken gedaen augusti xxix lestleden beslicht ende/ vereffent is also scepen(en) brieve(n) van loven(en) vander selver daet/ uutwisen en(de) begripen heeft den vors(creven) janne de smet achtervolgen(de)/ der selver uutspraken overgegeven twee schoutbrieve en(de) beleit/ brieve van loven(en) Dair mede de vors(creven) wilen arnt hue(re) man/ nad(er) stat recht van loven(en) beleit was totten goeden have ende/ erve jans wilen smets vad(er) des vors(creven) jans en(de) oic eenen scepen(en) brief van bossuyt spreken(de) van eenen boend(er) lants dat jans/ morials wijf den vors(creven) wilen arnde hue(re)n man voirmaels/ afgewonnen heeft met rechte d(aer) inder uutspraken afgeruert/ wordt Heeft vort gelooft de vors(creven) (christ)ine te vervangen alle/ hue(re) wettighe kynde(re) die zij heeft vanden voirs(creven) wilen arnde ond(er)/ hue(re) daghe wezen(de) en(de) in dien te hebben zoe wanneer zij thue(re)n/ dagen comen sullen zijn Dat zij dan de vors(creven) uutsprake ratifice(re)n en(de)/ aproberen sullen sond(er) dair tegen den vors(creven) janne oft zijne naco/ melinge hynder crot oft stoet te maken in e(n)niger manie(re)n Cor(am)/ witte col(onia) dec(embris) v/