Tusschen he(re)n robbeerde prieste(re) ende janne loenijs gebruede(re)n is overdraghen/ ende eyndelijc get(er)mineert acht(er)volgende der t(er)minacien tusscen hen geloepen/ en(de) uutgesproken junii xxviii lestleden dat mits eend(er) cedullen bij janne/ overgegeven vanden goeden en(de) rinten wijlen hue(re)n beyder ouders dair jan/ sijnen eed op sculdich sal sijn te doen(e) dat hij niet meer goeden noch rinten/ te deylen en weet De voirs(creven) her robbeert oic op sijnen behoirliken eed/ sculdich sal sijn in twee deylinghen te setten alle de voirs(creven) goede en(de) rinte(n)/ wijlen hue(re)r ouders tusscen dit en(de) van in goensdaghe naistcomen(de) in/ viii daghen en(de) dan die thoene(n) der stad om dair inne gecorrigeert te/ werdden Des ombehoirlic staen mochte en(de) deylbair wae(re) en(de) dan salme(n)/ die janne overgeven die dan dair op gehouden sal sijn te kyesen/ sijn deylinghe als outste brued(er) binne(n) xiiii nachten d(aer)nae ende/ daer(en)tinden selen zij verthijden op malcande(re)n nae trecht dat elc heeft/ inde goede Ende oft dair e(n)nige goede oft co(m)me(re)n bleve(n) buyte(n) deilinge(n)/ die selen zij draghen ende deilen nae recht Voert en selen gheen/ vanden voirs(creven) gebruede(re)n totten eynde van desen hen moighen ond(er)winde(n)/ opte heffen e(n)nige goede oft rinte(n) tusscen hen te deilen staen(de) mair/ selen dit [al] onderhouden en(de) acht(er)volghen sonder uutweghe oft ontschout/ hier tegen te sueken Ende oft niet en gesciedde en(de) gebrec hier inne/ viele sal de stad opden versien opden gebreckeliken van hen Te wete(n)/ op den voirs(creven) janne en(de) des voirs(creven) her robbeerts borghen oft sijn/ goede alsoe dat dit acht(er)volcht en(de) de v(er)cortinge gerep(ar)eert sal/ werdden P(rese)ntib(us) pynnoc coucker(oul) burg(imagistris) et plu(ri)b(us) aliis septembr(is) v[ta]/