Item joes de witte sone wilen jans cornelis de witte jans sone beide/ woenen(de) te putte henric de witte zone wilen henr(ix) woenen(de) te groetloe/ en(de) rombout zanders drossete vanden lande van rotselair in p(rese)ncia/ hebben gelooft ongesundert her janne corbat geheten de becke(re) prieste(r)/ prochiaen d(er) kercken van sint stevens woluwe dat zij tusschen dit/ en(de) beloken paesschen naestcomen(de) janne lenarts den jongen buyten/ lants zijnde zoe verre zullen zueken oft doen zueken dat hij/ bijd(er) hant comen sal en(de) voldoen allet ghene dat bij lodewijke/ roelofs janne pynnoc meester lamb(ert) vanden heede secret(aris) ons liefs/ gened(ichs) he(re)n ts(er)toghen en(de) janne van ranshem geraempt en(de) geordineert/ is vand(er) saken oft ongevalle gesciet inde vriende van beide/ den p(ar)tien van live ter doot gebracht En(de) oft zij des niet gedoen en/ consten en(de) den selven janne lenarts hier toe gebringen soe hebben/ zij geloft joese de witte zone wilen henr(ix) nu t(er) tijt om deser/ saken wille gevangen zijnde des maend(aigs) na beloken(en) paesschen/ vors(creven) wederom ind(er) hachten te loven(en) te bringen in alle der/ vueghen en(de) manie(re)n hij nu al hier gevangen is zond(er) argelist/ op dat p(ar)tien hie(re)nbynnen anders niet en verliken En(de) dit leste/ hebben zij gelooft op eenen banduyn van vijfen(de)twintich cronen/ half tot behoef m(ijn) gened(ichs) he(re)n ts(er)tog(en) en(de) half tot behoef d(er) p(ar)tien/ dien dese geloofte aencleeft et tres p(ri)mi eisd(em)