Het zijn comen voir den raide vand(er) stat jan vand(er) bruggen geheeten mette(n)/ gelde met marien van hoeye sijne(n) wijve ter eender sijden yde buidens/ die na wijf is mathijs herdans geheeten van hoeye ter andere willem van/ dongelberge jan van kessele en(de) jan vanden berge woenen(de) inden roeden schilt/ ter derder sijden dair de voirs(creven) gehuissche seiden dat mathijs voirs(creven) met wilen/ katlijne(n) van hoeye sijnen wijve den voirs(creven) ja(n)ne en(de) sijne(n) wive geloift hadden/ in huweliker voirw(er)den Dair op den selven huwelijc toe gegaen was dat sij/ na de doot vand(en) selven mathijse en(de) sijnen voir wive en(de) den lanxt leven(de)/ van hen beiden deylen soud(en) de helicht van al den goeden beruerlijc ende/ omberuerlic also wel vliegen(de) erve als ande(r) dat [die] sij hadden sonder and(ere)n/ dat te gevene oft te maken(e) allen argelist uuytgescheide(n) en(de) wa(n)t de voirs(creven)/ gehuissche jan en(de) sijn wijf v(er)nemen dat de voirs(creven) mathijs met yden buidens/ nu sijnen wive de gereede goede voirgeruert sijnde seere mi(n)derden ende/ argerden met vercoepen en(de) anders in (contra)rien en(de) frauden der voirs(creven) huweliker/ voirwerden en(de) oic bove(n) dien dat sij tandere(n) tijden met den gesworenen/ scatters gescat waren geweest Soe hoepte(n) de voirs(creven) gehuissche(n) jan en(de) sijn/ wijf dat de voirs(creven) mathijs en(de) sijn wijf gehouden souden sijn die selve goede/ des voirs(creven) mathijs leefdage lanc te houden(e) in state en(de) te restituere(n) de gene ghene/ die dair uuyt moigen sijn gedaen op dat sij in heurer huweliker vorw(er)den/ niet vercort en worden en(de) dat sij na die doot van den selve(n) mathijse tot den/ heuren mochten come(n) Insgelijcx begeerden oic derfgename(n) des voirs(creven) mathijs/ d(aer) de p(ar)tie voirs(creven) seggen(de) dat die selve mathijs en(de) sijn ierste wijf in haire(n)/ testame(n)te dat sij in heure(n) uutersten maicte hem van den selven goeden/ hadde vorsien [versien] gelijc tselve testame(n)t inne hadde Dwelc des voirs(creven) mathijs/ wijff nu sijnde pijnde te nieute te doene en(de) de gereede goede des vors(creven)/ mathijs in acht(er)deele vand(en) voirs(creven) heure(n) testame(n)te te quiten(e) Nochtan dats/ de voirs(creven) mathijs [des] geen noot en hadde en(de) dat hij genoech voirs(creven) [versien] was/ van renten sijn belevi(n)ge te hebben(e) tsegen dwelc des voirs(creven) mathijs wijf/ heur opponeerde en(de) meynde dat de selve mathijs niet tegenstaende
//
der voirs(creven) huwelijker voirwerden en(de) testame(n)te met sijne(n) gereede(n) goeden sijne(n) wille/ soude moigen doen besund(er)t want sij boot te thoene(n) met heure(n) gebuere(n) dat den/ selven mathijse van noode was en(de) behoefde van den sijne(n) te levene sonder op sijn/ erflich(eit) te moigen leven Meynen(de) dat te see(r) cleine was so sijse in een cedule/ overgaf tsegen dwelc de voirs(creven) gehuissce(n) en(de) dandre erfgename(n) hen opponerde(n)/ en(de) meynden dat sij die noot niet bij bringen en soude en(de) al waert dat sijt bij/ brachten so meynden de voirs(creven) gehuissche(n) dat heur helicht hen in gunste(n) van heure(n)/ huwelijke gegeve(n) bij dier noot niet genome(n) en soude worden mair ierst en(de) voir/ al aen dander helicht dair de voirs(creven) erfgename(n) hielden de (contra)rie en(de) bij div(er)se/ reden(en) bij hen gealligeert die des voirs(creven) mathijs wijf haer pijnde met rechte tewe/ derleggen(e) En(de) aldus is hier op bijden raide vand(er) stad p(ar)tijen tot allen sijden/ al en(de) int lange gehoirt en(de) voir oogen genome(n) de scattinge tande(re)n tijden gedae(n)/ de gelegenth(eit) vanden erfgoeden oversien en(de) anders des der [ter] materien mocht/ diene(n) insgelijcx de voirs(creven) huwelijke voirw(er)de en(de) testame(n)te ov(er)dragen en(de)/ get(er)minert dat al wairt so dat de vors(creven) mathijs alsulken noot hadde als/ sijn wijf geseecht heeft dat hij aen die helicht vanden goeden aen de(n) voirs(creven)/ gehuisschen v(er)looft niet genome(n) en sal moigen woirden Mair ierst en(de) al eer/ aen dander helicht onv(er)looft staende ende wesen(de) en(de) datmen alst gebuert/ p(ar)tien van dien jegen malcande(re)n naerder hoeren sal eer daer toe yet voird(er)/ geschien sal moigen en(de) dat derfbrieve vand(en) voirs(creven) goeden staende ond(er) de wet/ alhier sullen blive(n) in handen(en) vand(en) secretar(is) om elken dair af sijn/ ynt(er)est te volgen(e) en(de) oft dair noch e(n)nige onder den selven mathijse en(de)/ sijn wijf waren oft geweest hebben seder der [voirs(creven)] huweliker voirw(er)den dat/ die voir oogen sullen moete(n) come(n) en(de) tot den rechte p(rese)ntib(us) lye(ming)[en] ouder(ogge)/ burgim(a)g(ist)r(is) et plurib[(us)] aliis m(ar)tii qui(n)ta