Item her bertelmeeus vanden hove sone wile(n) gheerts p(ri)este(r) canonic regulier/ ende subpryoer des godshuys van beerne bij huesden der ordine(n) va(n) p(re)monstreyt/ inden creesdo(m)me van uutricht hebben(de) van he(re)n m(er)celise van macheren/ biden goids gedoege p(re)laet sijne(n) abt des voirs(creven) goidshuys tot des nae/ bescreve(n) et procuracie ende jan vand(en) hove brued(er) des voirs(creven) he(re)n bertel/ meeus woenen(de) te bruessele in p(rese)ncia hebben openbairlic gekint en(de) gelijdt/ dat de edele en(de) mogen(de) jonch(e)r jan he(r) te wesemale te phalays ende/ tslants van mechelen hen wail en(de) wettelic v(er)nuecht ge(con)tenteert/ en(de) te vreden gestelt heeft van al tgene dair inne de voirs(creven) jonch(e)r/ ten voirs(creven) wijlen hue(re)n vader w(er)t uut saken van borchtochten ende/ and(er)ssins in enig(er) manie(re)n gehouden mocht sijn totte(n) dage toe va(n)/ heden Ende hebbe(n) d(aer) o(m)me den selve(n) jonche(r) sijne goede en(de) nacomel(inge)/ van allen dien volcomel(ic) quijtgescouwen Promitt(entes) null(atenus) alloq(ui) Geloven(de)/ voirts lijsbette(n) hue(r) moed(er) absent sijnde in dien te hebben en(de) te v(er)vaene/ dat zij den voirs(creven) jonch(e)re janne tzijnre maniss(en) gelike quitancie doen/ en(de) gheve(n) sal kersmake(re) m(er)sberghe decembr(is) xvii