Alsoe als bijden raide vander stad uut vervolghe henrix boelairt op heden/ bescreven was wout(er) vanden broeke woenen(de) te nederlynthe(r) om deswille/ dat de selve wouter onlanx den selven henrike inder stad van leeuwe/ hadde doen raste(re)n en(de) co(m)me(re)n (con)trarie van seke(re)n vorweerden en(de) (con)tracten/ voirtijts tusscen hen nae inhoudt van seke(re)n scepen(en) brieve(n) gepasseert/ wesen(de) vander daet xiiii[c] en(de) tweenvijftich viii daghe in januar(ii) februar(ii)/ rue(re)nde in wat manie(re)n zij tusscen hen houden souden de goede die wae(re)n/ jouffr(ouwe) lijsbetten wijlen sgreve(n) die wijf was des voirs(creven) henrix en(de)/ dair af de voirs(creven) wout(er) was een erfgename onder dande(r) (con)trarie/ der heerlich(eit) ons liefs gened(ichs) he(re)n ts(er)togen en(de) den rechte sijnre stad/ van loeven(en) Soe wert nae de reden(en) van p(ar)tien te beiden zijden al int/ langhe gehoirt zijnde bijder stad raide overdraghen en(de) get(er)mineert/ en(de) oic beyde den voirs(creven) p(ar)tien uutgesproken dat de voirs(creven) wout(er)/ geheelic afdoen soude alsulken vorderinghe als hij onlanx inder stad/ van leeuwe opden voirs(creven) henricke hadde voirtgestelt en(de) hadde hij e(n)nich/ gebrec aenden voirs(creven) henrike uut ocsuyne vand(en) tractate oft (con)tracte/ voirs(creven) dat hij dat volghde voe(r) tgherichte alhier en(de) die uutsprake/ gedaen consenteerde de voirs(creven) wouter dair inne en(de) geloifde die/ tonderhouden p(rese)ntib(us) roelants couckeroul junii xxvi