SAL7356, Act: R°186.5-V°186.1 (366 of 456)
Search Act
previous | next
Act R°186.5-V°186.1  
Act
Date: 1463-03-10

Transcription

2018-09-24 by myriam bols
It(em) de(n) voirs(creven) brief is gekint [te] des(er) meyni(n)ge(n) want de voirs(creven) h(er) jan/
van sinte goericx en(de) zijn huysvrouwe weduwe jans wilen/
zoetmont de(n) voirs(creven) he(re) van camerike en(de) zijne(n) na(tur)like(n) kijnd(er) onlanx/
voirleden vercocht heeft de so(m)me van vijftich zwaer crone(n) ten/
prise ende ter quitinge(n) aen en(de) op alle de leengoede die des/
selfs he(re)n jans huysvrouwe liggen(de) heeft omtrint d(er) stad va(n) mechle(n)/
te leene gehoude(n) va(n) onse(n) lieve(n) gened(igen) hee(re) de(n) hertoge ind(er) mate(n)
//
de brieve des voirs(creven) ons gened(ichs) he(re)n en(de) zijnd(er) ma(n)ne(n) d(air) op gemaect dat/
volcomelijc uutwisen en(de) begripe(n) Waert soe oft gevielt dat de/
voirs(creven) eerwerdige hee(re) oft zijn nacomelinge besitters vande(n) voirs(creven)/
rinten na begrijp der brieve voirg(eruert) hier namaels in e(n)nige(n) gebreke(n)/
ware(n) van betalinge(n) d(er) voirs(creven) rinte(n) tot e(n)inge(n) t(er)mijne oft t(er)mijne(n) toe/
comende op dat oec de voirs(creven) hee(re) va(n) camer(ike) oft zijn nacomelinge/
voirs(creven) bevonde(n) dat hue(r) ond(er)pande dair voe(r) af geruert w(er)t niet/
goetgenoech en ware(n) oft gescape(n) ware(n) te cranc te vallen oft dat oec/
hen d(air) inne e(n)nich and(er) gebreck gebuerde in wat manie(re)n dat het/
ware dat dan altijt de voirs(creven) hee(re) oft zijn nacomelinge die inde voirs(creven)/
rinte voir de(n) leenhee(re) gegoet zijn hen mette(n) voirs(creven) scep(enen) br(ieve) selen/
moege(n) behulpe(n) na d(er) stad recht om opden voirs(creven) he(re)n janne/
oft zijn goede jegewoirdich en(de) toecomen(de) v(er)crege(n) oft te v(er)crigen(e) oft/
op zijn nacomelinge en(de) hue(r) goede na de(n) rechte al alsulke(n) ge/
breck hynd(er) oft letsel te verhalen te gecrige(n) en(de) te v(er)reyken/
den selven brief nochta(n) altijt ond(der) scepen(en) te desen eynde blivende/
en(de) de quitinge vande(n) voirs(creven) renten na begrijp d(er) pri(n)cipaeld(er) br(ieve)/
gedaen zijnde salme(n) desen br(ieve) te nyeute doen eisd(em)
ContributorsMi-Je Van Gils
Moderated byMi-Je Van Gils
Last update: 2016-04-26 by Jos Jonckheer