Item arnt kyp van houdert arnt en(de) jan cole gebruede(re) jan bauvaert/ en(de) wouter lonijs woenen(de) te houdert vors(creven) in p(rese)ncia hebben genome(n)/ en(de) bekint dat sij genomen hebben teghen he(re)n zijn henricke van raets/ hoven proofst en(de) he(re)n janne vanden dale pytanchir des goesh(uys)/ van perke de groete thiende van houd(er)t toebehoe(re)nde de(n)/ vors(creven) godsh(uys) met alle hue(re)r toebehoerten Te houden en(de) te hebben/ van sint jansmesse baptisten naestcomen(de) eenen t(er)mijn van neghen/ jae(re)n lanc deen na dand(er) zond(er) middel v(er)volgen(de) elx jaers/ dae(re)nbynnen om en(de) voir xxiiii(½) mudde rox xxxiiii(½) mudde/ gersten als [gelijc] d(air) wassen sal en(de) xlix mudden even(en) elx grams/ goet en(de) payabel der maten van loven(en) ts(int) andriesmesse apost(el)/ te betalen en(de) te percke te leve(re)n [te weten(e) deven(en) vors(creven) den abt vand(en) vors(creven) godshuyse en(de) den rogghe en(de) gherste] den vors(creven) he(re)n oft hue(re)n geco(m)mit/ teerden quolib(et) ass(ecutu)[m] Item es vorweerde oft zoe geviele dat/ de vors(creven) thiendeners aende vors(creven) thiende bynnen den vors(creven) t(er)mijne/ tcoren inde(n) velde oft schue(r) wezende enighe scade leden van/ haghelslaghe brande oft gemeyne orloghe dat hen die/ schade tvoirs(creven) cloest(er) oprichten sal ter taxacien van goeden/ mannen hen des verstaende Behoudelic dat [de] selve thiendeners/ die schade den vors(creven) cloeste(r) goets tijts condigen zullen Item es/ vorweerde dat de vors(creven) thiendeners nyeman(de) [anders] de vors(creven) thiende/ deylen en sullen ten zij bij (con)sente van hen viven en(de) dat hebbe(n)/ zij malcande(re)n also gelooft couck(eroul) oud(erogghe) dec oct(obris) xxv