Item jan lauwarts sone wilen henricx woenen(de) te platteborsse ende gheert/ stroebant zone wilen jans woenen(de) te nosseghem in p(rese)ncia hebben genome(n)/ en(de) bekint dat zij genomen hebben teghen her janne thyryon prieste(r)/ hebben(de) volcomen procuracie vanden eerweerdighen hee(re) abt en(de) co(n)vent/ des godshuys van perck uut name en(de) van weghen des selfs/ godshuys alle alsulke wynnende lande als tvoirs(creven) godshuys liggen(de)/ heeft te nosseghem en(de) dair omtrent en(de) ghelijc die te houden/ plaghe(n) henric wilen platteborsse en(de) an wilen stroebant in/ pechtinghen Te houden te hebben en(de) te wynnen van halff/ merte naestcomen(de) eenen termijn van twelf jae(re)n lanc deen/ na dand(er) zonder middel vervolghen(de) elx jaers dae(re)nbynnen/ om en(de) voir vijfen(de)twintich mudden rox goet en(de) payabel der/ maten van loven(en) met wanne en(de) vloghelen wel bereit tsinte/ andriesmesse apostels te betalen en(de) te perck opden greynir te leve(re)n/ den vors(creven) he(re)n janne oft ande(r) procuracie vand(en) vors(creven) godshuyse/ hebben(de) quolib(et) ass(ecutu)[m] Ende is vorweerde dat de vors(creven) wynne/ de vors(creven) lande jairlix den vors(creven) termijn lanc due(re)nde wynnen/ werven en(de) mesten zullen wel en(de) loflic gelijc reengenote(n)/ boven en(de) beneden en(de) die laten thue(re)n afscheiden alsoe zij/ die aenveert hebben te weten(e) den wynter art besaet op/ iiii getideghen voe(re)n de stortte en(de) brake eens vore omgedaen/ en(de) de brake gheheel Met vorweerden oic wart alsoe dat/ derfgename(n) henricx wilen platteborsse die vruchten nu op de vors(creven)/ lande besaeyt den vors(creven) godshuyse met rechte afwonnen dat/ in dien gevalle de vors(creven) wynne thue(re)n afscheiden de selve/ lande bloet laten zouden en(de) and(er)s niet Inde est Item is vorwerde/ tusschen de vors(creven) ii wynne(n) dat de vors(creven) jan vand(en) vors(creven) xxv/ mudden en(de) de vors(creven) gheert xv mudden en(de) de vors(creven) gheert/ x mudden rox betalen sullen en(de) elc [heeft] den ande(re)n heeft gelooft/ met zijne(n) gedeelte gelijc vors(creven) steet te vlieden Hier af is/ borghe der vors(creven) wynne henric van ghote sone wilen willems/ woenen(de) te nosseghem Et duo p(ri)mi roel(ofs) cock(eroul) febr(uarii) viii