Item opt gescille tusschen janne marcelis en(de) bertelmeeuse/ vander bauwetten met hue(re)n medepleghen erfgenamen vande(n)/ goeden roelants wilen van deurne in deen zijde en(de) steven/ smachts die uut machte van scepen(en) brieven van loven(en) bewint/ hadde gehadt vanden selven goeden in dande(re) alse vander/ rekeni(n)ghen oft claernesse vanden selven bewinde die de vors(creven)/ erfgenamen meynden vanden vors(creven) steven(en) te hebben/ dair toe de vors(creven) steven hem genoech p(rese)nteerde bij alsoe/ dat hij met eender claernesse en(de) rekeni(n)ghe mochte gestae(n)/ ende oft men hem te cort wae(re) dat dair af de vors(creven)/ erfgenamen zouden inne staen vanden welcken de selve/ erfgenamen hielden de contrarie Es ten uutersten/ getermijneert dat de vors(creven) steven de vorg(eruerde) rekeni(n)ghe/ oft claernesse doen sal bij also dat de selve erfge/ namen den vors(creven) steven(en) sullen innestaen van met eend(er)/ te gestaen en(de) oft hij te cort wae(re) hem [dat] te voldoene Actu(m)/ in pleno consilio januarii xxix