Item claus opden berch woenen(de) te vroyenberghe in p(rese)ncia heeft/ bekint dat hij teenen erfpachte genomen [heeft] teghen he(re)n pete(re)n/ van herbaix ridder thof metter woeni(n)ghen huysen hoven schue(re)n/ wynnen(de) lande bogarde vivers neve(n) tselve hof en(de) allen ande(re)n/ toebehoerten gelijc de vors(creven) her peter liggen(de) heeft te vroyenb(er)ghe/ en(de) de vors(creven) claus dat eene(n) t(er)mijn van jae(re)n in pechtinghen/ gehouden heeft met eene(n) beempde int gemeyn broec gehete(n)/ gaesdrieschbroec aende leide grecht Te houden en(de) te besitten/ op alle den last chijs co(m)mer [last] en(de) erfpacht d(aer) van outs uutgaen(de)/ ten gewoenliken tijde te betalen ende vortaen op negenen(de)twintich
//
mudden rox goet en(de) payabel der maten van loven(en) met wanne/ en(de) vloghelen wel bereit erflijc tsinte andriesmesse apostels te/ betalen en(de) te loven(en) te leve(re)n den vors(creven) he(re)n pete(re)n en(de) zijn nacome/ linghe oft hue(re)n procur(eur) quolib(et) ass(ecutu)[m] Met vorweerden dat de/ vors(creven) claus vanden vors(creven) neghenen(de)twintich mudden rox erflic/ aflegghen sal moeten voir den onderpant bynnen drie jae(re)n/ naestcomen(de) neghen mudde te weten(e) ter stont drie mudde/ en(de) dand(er) sesse mudde byn van kersmesse lestleden ov(er) twee/ jae(re)n en(de) elc mudde met achthien guld(en) rijd(er)s en(de) met/ vollen pachte en(de) vanden ande(re)n xx mudden rox es vorweerde dat/ die sullen bliven staende opt vors(creven) erve tot eeuweghen daghen sond(er)/ die af te legghen ten wae(re) bij consente des vors(creven) he(re)n peters oft/ zijnder nacomelingen Item es vorweerde dat de vors(creven) claus opt/ bosch liggen(de) neve(n) de kercke van sinte mondarts toebehoe(re)nde den/ vors(creven) pete(re)n sal moghen afhouwen iiii oft v ty(m)merhoute het zij/ kersele(re)n oft esschen d(aer) men hem die van her pet(er)s wegen bewisen/ sal om de huysinghe vors(creven) mede te repareren en(de) die [huysinge] moet de/ vors(creven) claus en(de) zijn nacomelinghe in goeden state houden staen(de)/ sonder te laten vergaen of verarge(re)n Item sal de vors(creven) claus/ behouden en(de) hebben de weide en(de) wyen sta vanden vors(creven) bossche/ jairlix om xxiiii st(uvers) tsjaers gelijc hij die tot hertoe gehadt heeft/ den vors(creven) he(re)n pete(re)n oft zijne(n) rentmeester ts(inte) m(er)tensmesse te betale(n)/ ten wedersegghen des vors(creven) he(re)n pet(er)s oft [tot] dat hij den selve(n) bosch v(er)cochte/ en(de) in dien gevalle zoude de vors(creven) claus de naeste op dat hem gelieft/ voir den selven prijs zijn Behoudelijc dat de selve claus den/ vors(creven) bosch soe langhe hij dien in hueringen hout op zijnen cost/ wel bevreden sal also dat d(aer) af gheene scade en come en(de) wart/ sake dat den vors(creven) bosch hier namaels gehouden wordde zoe is ond(er)sproke(n)/ dat de vors(creven) claus d(aer) op gheene beesten en sal laten gaen voir/ dat de spruyte(n) iii jair out zijn zullen uutghescheiden perde Item/ is vorweerde dat de vors(creven) he(re) peter van nu vortaen op hem neme(n)/ sal jairlix te betalen alsulken iiii mudden rox lijftochten als her/ peter beye(r) canonc sinte pet(er)s te loven(en) opde vors(creven) goede tzijnen/ live heeft also dat de vors(creven) claus noch zijn goede vors(creven) d(aer) af/ gheen scade en lijde Item es vort vorwerde dat de vestich(eit) in/ wedersijde te doen berusten sal tot dat de vors(creven) ix mudden corens/ afgeleeght zullen zijn cor(am) roel(ofs) cock(eroul) febr(uarii) ix