Item al eest dat tvoirscr(even) bekyn gedaen is ter manissen des/ vors(creven) priors soe es nochtan vorweerde ende condicie/ ende es den brief bekint te dier meyninghen dat alle/ hue(r) erfgoede ende erfrenten hier na genoempt die zij/ opden dach van heden hebben [hen aen sterven sullen namaels] oft die zij tsamen vercrigen mochten/ en(de) nade doot vanden yersten aflivighen van hen bliven zullen/ onverthiert ende onvercocht den vors(creven) godshuyse dair hue(r)/ e(n)nich zone profes religieux inne is bliven ende volghe(n) sullen/ Mair oft zij tsamen noch meer wettighe geboerte gecregen/ een oft meer zoe en zoude tevoirs(creven) godshuys niet meer/ metten vors(creven) brieve moghen vercrigen dan tkinsgedeelte/ vanden vors(creven) religieux oft hij ter werelt bleven wae(re) alwae(re)/ nochtan de selve bertelmeeus religieux gestorven Met condicie(n)/ nochtan al wae(re) hue(re)n vors(creven) stoel gescheiden en(de) de lanxste leven(de)/ kynlike noet hadde oft gebreck also dat dair af bleke met/ zedeliker proeven in dien gevalle zoude lanxste leven(de) van/ hen in dier noet vanden vors(creven) omberuerliken goeden oft renten/ zoe vele [moegen] vercoopen dat hij dair bij gesustenteert worde hier/ inne alleene Uutgescheiden oft de lanxste leven(de) van hen namaels/ tot heylic toghe dan en zoude hen de vors(creven) clausule al hadde/ hij noet tot gheend(er) baten oft scaden moghen comen desgelix/ zoude den vors(creven) godshuyse nade doot vanden lanxsten leven(de)/ der vors(creven) gehuyssche volghen alle de ghereede goede have/ vliegende erve en(de) schout oft tkinsgedeelte vanden vorscreve(n)/ religieuse Wae(re)n dair meer kynde(re) die naden lanxsten leven(de)/ van hen beiden onvercocht zullen bliven en(de) betalen dair op
//
de wettighe schouden der vors(creven) gehuyssche en(de) doen hue(r) vlede temelic/ mair de lanxste levende van hen sal van dien goeden moghen doen/ zijnen vryen wille Ende om hier toe te comen en(de) [niet voirder] de vorscr(even)/ gehuyssche oft de hue(re) te pramen salmen altijt den vorscreven/ godshuyse metten vors(creven) brieve behulp doen den selven nochtan/ onder scepen(en) tot desen eynde bliven(de) cor(am) vync cockeroul febr(uarii)/ xxv