It(em) jan struvens van assenrode inde p(ro)ch(ie) van cortenake in p(rese)ncia heeft/ gehuert ende bekint dat hij gehuert heeft jegen h(er) pete(ren) beye(r)/ en(de) h(er) anthonijs rolijn canonicke(n) d(er) kerke(n) va(n) sinte pet(er)s te loeven(en)/ eene(n) beempt gehete(n) neckersvelt toebeh(oirende) d(er) voirs(creven) cap(it)len gelijc die/ gelege(n) is tot assenrode voirs(creven) te houde(n) en(de) te hebbe(n) van half/ m(er)te naestcomen(de) eene(n) t(er)mijn van xii jare(n) lang v(er)volgende elcx/ jaers darenbinne(n) om en(de) voe(r) negen guld(en) te x stuv(er)s stuc alle/ jae(re) tsinte m(er)tensmisse vallen(de) en(de) onbegrepe(n) te paessche(n) volbet(aelt)/ te zijne de(n) voirs(creven) he(re)n oft hue(re)n rintm(eeste)r q(uo)l(ibet) ass(ecutu)[m] It(em) is vorweerde/ dat de voirs(creven) jan binne(n) zijne(n) voirs(creven) t(er)mijne op tvoirs(creven) goet sette(n)/ en(de) plante(n) sal xl willege(n) poten goet en(de) payabel en(de) binne(n)/ de(n) leste(n) drie jare(n) en sal hij de(n) voirs(creven) bempt niet moegen/ besayen en(de) hij sal de goede wel en(de) loflijc houden [veeghe(n)] en(de) bevrede(n)/ sijne(n) t(er)mijn dueren(de) gelijc reengenote(n) bove(n) en(de) benede(n) en(de) die(n)/ sal hij tsijne(n) afscheyde(n) also late(n) eisd(em)