Item jouffr(ouwe) g(er)truyt wedewe wout(er)s wilen sch(er)niers woenen(de) int beghijn/ hoff te thiene(n) heeft opgedragen en(de) met hue(re)n mo(m)boe(re) int recht huer gelev(er)t/ halmelijc v(er)tegen alle trecht actie en(de) aensprake die zij hadde oft hebbe(n)/ mochte in e(n)niger maniere(n) inde goede hier na bescreve(n) Inde(n) yerste(n) [in] een/ huys en(de) hoff met eene(n) bogarde houden(de) omtrint een half dachmael gelyc/ dat belegen is inde p(ro)chie van outgarden aen tshe(re)n strate tussce(n) de(n) goede(n)/ barbere(n) scosters in beyden zijden It(em) [in] eene(n) bogart gelege(n) dair neve(n)/ tussce(n) tshe(re)nstrate voirs(creven) en(de) de(n) goede(n) tscloesters van tongerloe strecken(de)/ nederw(er)t tot aenden goeden d(er) he(re)n van pytsenborch gelycmen de(n) selve/ goede houden(de) is te(n) erflike(n) rechte vande(n) voirs(creven) he(re)n van pytsenborch/ En(de) als de voirs(creven) jouffr(ouwe) g(er)truyt uut de(n) voirs(creven) goede(n) aldus gedaen/ en(de) gewijst Soe wairt d(aer) inne gegoet en(de) gevesticht als voir de bate/ der selver ov(er)mits een mudde corens erflijc dat de he(re)n va(n) wesete d(aer)/ op hadde(n) en(de) van thien jare(n) verloepen daneel van sintrude(n) inde(n)/ name en(de) tot behoeff der voirs(creven) he(re)n van wesete bij manissen ende/ oerlove des meyers des voirg(enoemde) he(re)n vanden gronde en(de) wijsdo(m)me d(er) late(n)/ h(ier)na bescreve(n) hier ware(n) ov(er) wout(er) petrijns henric billen ond(er) de lynde/ matheeus vranx en(de) jan je(n)nijns als late des voirs(creven) he(re)n vande(n) gronde/ voir de welke de voirs(creven) jouffr(ouwe) g(er)truyt geloofde op de(n) iiii[de(n)] dach va(n)/ sprokille int jaer xiiii[c] ende tsestich den voirs(creven) daneele va(n) si(nt)trude(n)/ van des voirs(creven) steet altijt genoech te doene waert dat zij yet te nauwe/ gedaen hadde Ende de voirs(screven) goede op tsvoirs(creven) he(re)n chijs vande(n) gronde/ en(de) op tvoirs(creven) mudde corens dat de voirs(creven) he(re)n va(n) wesete d(aer) op hadde(n)/ erfs pachts als voir allet recht en(de) co(m)me(re) d(aer) uut gaende te warande(re)n/ alsoe dat den voirs(creven) he(re)n van wesete vast ende zeker zijn moege/ q(ui)quide(m) q(uo)d faciu(n)t witte ouderogge junii xxvi/