Item jan van cuggenbosch en(de) jan m(ar)cels zijn swagher vervangen(de)/ hier inne katlijnen van cuggenbosch zijn wijff in p(rece)ncia hebben/ gekint en(de) gelijdt oppembairlijc voir hen hue(re)n erve(n) ende/ nacomelingen inden name en(de) tot orber jonch(e)r ph(ilip)s van burg(oig)[ne(n)]/hee(re) [greve] van camersijs hee(re) vand(er) horst en(de) zijnen nacomelinge(n)/ al eest alsoe dat in zeke(re)n brieve(n) jonch(e)r anthonis wilen van/ rotselair voeght van houdert en(de) zijnen mannen van leene/ vand(er) daet xiiii[c] liii xvii in junio dair mede de vors(creven) jan/ van cuggenbosch cochte en(de) gecreegh jeghen amelricke pynnoc/ wilen hee(re) vand(er) horst een stuck beemps houden(de) vi dachmale vanden/ drie boende(re)n diemen vanden vors(creven) jonch(e)r anthonise ald(aer) te leene/ hielt Te weten(e) den achtersten beempt liggende ter nuwer/ molen tusschen dwouwer eeusel en(de) de goede symoens van/ herbaix onder ande(re) pointen gevorweert en(de) gecondicioneert/ steet dat amelrijc [vors(creven)] gelooft heeft te houden oft te doen houden/ de ryole op zijne(n) cost de welcke dwater vanden beemde vors(creven)/ afleiden(de) is welcke ryole vliet dor dwouwer eeusel tot in eend(er)/ grontgoten aldair liggen(de) ond(er) de beke vand(er) molen aldair [voirs(creven)] (et)c(etera)/ Dat dat point aldair nochtan zoe te verstane is dat de vors(creven)/ bekinders de selve ryole veghen zullen en(de) sculdich sijn te vegen/ e(m)mer zonder last vanden heerscape vander horst vors(creven) zoe v(er)re/ hue(r) erve strect en(de) nederweert salse tselve heerscap na begrijp
//
vanden selven brieve sculdich zijn te veghen en(de) te ruymen alsoe/ den vors(creven) brief begrijpt Ende zijn oic alle ande(re) pointe ende/ condicien inden vorg(eruerde) brieve staen(de) sculdich van machte ende/ weerden te bliven oft hier aff niet gesciet en wae(re) Heeft oic/ de vors(creven) [jonch(e)r] ph(ilip)s gekint tot behoef van eenen yegeliken dien/ dat aenghaen mach dat hem vanden ande(re)n ongerieve/ en(de) s(er)vituten inden vors(creven) brieve begrepen en(de) die ind(er) wairscap/ bijden vors(creven) amelrike hem niet vernuempt noch gheclaert/ en wae(re)n met gereeden pe(n)ninghen vernueght en(de) betaelt is/ scelden(de) van dien den vors(creven) amelrike en(de) zijn nacomeli(n)ge(n)/ volcomentlic quijt roel(ofs) vync aug(usti) iii