Item willem peels ende wouter wielants zone wilen jans in p(rese)ncia/ hebben genomen en(de) bekint dat zij genomen hebben van marien/ weduwe arnts wilen wijbrechts met wille en(de) consente gheerts/ vanden putte huers tweeste mans een huys en(de) hoff metten/ bogarde en(de) allen ande(re)n zijne(n) toebehoerten gelegen te vlasselair/ tusschen tshe(re)n strate en(de) woute(re)n vors(creven) Item x dach(mael) lants luttel/ myn oft meer gelegen d(air) bij in div(er)sen stucken gelijc de selve marie/ dat totten daghe toe van heden beseten heeft Te houden te hebben/ en(de) te wynnen van half merte naestcomen(de) eenen termijn van twelf/ jae(re)n lanc deen na dande(r) sond(er) middel vervolgen(de) elx jaers/ dae(re)nbynne(n) de vors(creven) huysinghe en(de) hove om en(de) voir drie clinckarts/ te xiiii st(uvers) tstuc en(de) de vors(creven) lande om v(½) mudden corens goet en(de)/ payabel d(er) maten van lov(en) met wanne en(de) vlogelen wel/ bereit te weten(e) de drie clinckarts te half meye d(air) af/ dyerste betalinghe inne gaen sal va(n) half meye naestcomen(de) over/ een jair en(de) niet eer en(de) tvoirs(creven) coren te kersmesse te betalen/ en(de) te loven(en) oft taerscot d(air)t d(er) vors(creven) marien gelieve(n) sal te/ leve(re)n quolib(er) ass(ecutu)[m] Item is vorweerde dat de vors(creven) wy(n)ne/ de vors(creven) huysinghe houden zullen vand(er) und(er)ster rikelen ned(er)wert/ in goeden state en(de) over and(er) jaer leve(re)n also vele walms/ als een decke(r) op eene(n) dach int vors(creven) hof verdecken sal dair/ af de vors(creven) wynne den montcost gheve(n) sal en(de) de vors(creven) gehuyssche/ sullen de dachue(re)n betalen Item sal [sullen] de vors(creven) wynne de vors(creven)/ lande den vors(creven) t(er)mijn lanc due(re)nde jairlix wynnen werven/ en(de) mesten wel en(de) loflijc gelijc reengenoten bove(n) en(de) bened(en)
//
en(de) die laten tzijnen afscheiden gelijc sij die aenverden Te/ weten(e) den wynt(er) art bloet de brake gemest en(de) geoeghst/ vort Item sullen de vors(creven) wynne opt dleste jair opt vors(creven)/ lant mogen hoervruchten omtrent (½) boend(er) met rapen/ It(em) is vorweerde dat de vors(creven) marie jairlix vand(en) oofte/ ald(air) wassen(de) hebben sal den vierden corf bij also dat zij altoes/ hue(r) deel sal doen lesen Item es vorweerde dat de vors(creven)/ gehuyse de vors(creven) huysinghe temelijc tusschen dit sint/ jansmesse naestcomen(de) sullen doen reparere(n) op hue(re)n cost/ en(de) die sullen de vors(creven) wynne thue(re)n afscheiden also leve(re)n/ It(em) is vorweerde dat de vors(creven) wynne van malcande(re)n/ bynne(n) vi jae(re)n scheiden mogen [opdat hen gelieft] bij also dat zij dat malcand(eren)/ cundighe(n) sullen een jae(r) te vore(n) met condicie wart/ dat de vors(creven) marie oft hue(r) kynde(re) d(air) inne wouden come(n)/ woene(n) [na de vors(creven) vi jae(re)n dat zij dat doen mogen niet wederstaen(de) de (con)d(icien) vors(creven)] ende niet voird(er) want in dien gevalle zoude de vors(creven)/wynne de naeste zijn en(de) de wynne(n) mogen scheiden opdat hen gelieft thue(re)n vi jae(re)n En alle dese vorweerden hier/ af zijn borghen der vors(creven) wynne pauwel ghestelts sone wilen/ willems en(de) jan peels neve des vors(creven) willems Et duo/ p(ri)mi roelofs ouder(ogghe) oct(obris) xviii