Cond zij alle(n) lieden dat jan vande(n) hoevelde sone jans wile(n)/ van eyndoven en(de) machtilt sijn wijff in p(rese)ncia hebbe(n) genome(n) en(de)/ bekint dat zij genome(n) hebben jegen janne va(n) raetshove(n) zijn/ hoff te maerbeke gelege(n) inde p(ro)ch(ie) van bierbeke mette(n) huysen/ hove(n) wynnen(de) lande bempde(n) eeussele(n) en(de) alle(n) zijne(n) toebehoirte(n)/ gelijc dat de voirs(creven) jan va(n) raetsh(oven) ald(air) houden(de) is uutgesceyd(en)/ ii boend(er) i(½) dach(mael) d lants dat houden(de) is de wy(n)ne h(er) claes va(n)/ si(n)te goericx ridders en(de) uutgescr(eyden) i(½) dach(mael) in iii stucke(n) gelege(n)/ ald(air) te wete(n) (½) dach(mael) inde delle i half dach(mael) op tcleynvelde(n) en(de)/(½) dach(mael) op de(n) zinberch neve(n) de oudestrate Te houde(n) te hebbe(n)/ en(de) te wynne(n) van half m(er)te naestcomende eene(n) t(er)mijn van/ tweelf jare(n) lang v(er)volgen(de) elcx jaers d(air)enbinne(n) om en(de) voe(r)/ de helicht van allen de(n) vruchte(n) jairlijcx op de voirs(creven) goede/ wassende en(de) om xx gulden(en) rijd(er)s te xxvi st(uvers) stuc alle jare/ deen helicht te halfmeye en(de) dand(er) helicht tsinte m(er)tensmisse te/ betalen den voirs(creven) ja(n)ne van raetshove(n) en(de) ja(n)ne va(n) raetsh(oven) den/ jonge(n) zijne(n) natuerliken sone oft den eene(n) van hen bringe(r) sbriefs/ quolib(et) ass(ecutu)[m] It(em) is vorwerde oft de voirs(creven) wynne(n) te(n) halve(n) tide/ sceyden woude(n) dat zij dat selen moegen doen bij alsoe dat/ zijt een half jaer te voe(re)n seggen en(de) cundige(n) selen It(em)/ is ond(er)sproken dat de voirs(creven) wynne(n) jaerlijcx te(n) oechste als/ tcore(n) af [zijn] sal sijn aldair come(n) oft [eene(n)] sceinde(n) sal [op dat de voirs(creven) ja(n) va(n) raetsh(oven) ald(air) eene(n) hulp(er) syndt also hij dat sculd(ich) is te doene] om de bande te/ slane en(de) tcore(n) te deylen en(de) oft [den selve(n) hulper op] dat hij hulpt bynde(n) so sele(n) die/wynne(n) he(m) de(n) montcost gheve(n) [selen] en(de) and(er)s niet en(de) alsdan sele(n)/ zij jans deel in zijn [de] schuere vuere(n) [den voirs(creven) ja(n)ne va(n) raetsh(oven) toebehoiren] voir en(de) eer zij thue(r) sele(n)/ moegen rueren It(em) sele(n) de voirs(creven) wy(n)ne(n) alle jae(re) vande(n) voirs(creven)/ goede(n) hebbe(n) (½) boend(er) lants inde storte sond(er) yet d(air) af
//
te gheven(e) It(em) sele(n) de voirs(creven) wy(n)ne(n) de(n) voirs(creven) janne jaerlijcx saye(n)/ ii mol(evaten) lijnsaets dair af sal jan den saet levere(n) en(de) de wy(n)ne(n) sele(n)/ oec alle jae(re) hebbe(n) alsoe vele lants d(air) op sij sayen moghe(n) drie/ mol(evaten) lijnsaets sond(er) yet d(air) af te gheve(n) en(de) dit saet sal jaerl(ijcx) ongesceyde/ bij een ligge(n) It(em) de wynne(n) sele(n) de huysinge vande(n) voirs(creven) hove/ houde(n) wel en(de) loflijc vand(er) und(er)ster rijkele(n) ned(er)wert uutgesceyde(n)/ eene(n) stal met tiechele(n) gedect en(de) de schue(r) staende buyte(n) shoofs d(air)/ en sele(n) de voirs(creven) wy(n)ne(n) niet inne gehoude(n) wesen It(em) de voirs(creven)/ jan sal de(n) wynne(n) de huysinge vande(n) [hove] leve(re)n wel gerep(ar)eert en(de)/ alsoe goet sele(n)t de wy(n)ne(n) moete(n) late(n) te hue(re)n afscheyde(n) en(de)/ w(er)t dat de voirs(creven) jan de schue(r) binne(n) de(n) hove staende niet en/ dade rep(ar)ere(n) alsoe vorwerde is soe sele(n) de wy(n)ne(n) inde stad/ van dien hebbe(n) en(de) aenveerden de voirs(creven) schue(r) buyte(n) staen(de)/ tot aen d(er) tijt dat zij gerep(ar)eert sal zijn en(de) oft de wy(n)ne(n) bleve(n)/ houden(de) de voirs(creven) buyte(n) schue(r) soe selen zij die houden(de) vand(er)/ ond(er)ster rijkelen nederw(er)t gelijc voirscr(even) steet It(em) sele(n) de/ voirs(creven) wy(n)ne jaerlijcx int voirs(creven) hoff leve(re)n xlii mandelen walme(re)/ te wete(n) x walme(re) gemeyne in elke mandele om de huysinge/ vande(n) voirs(creven) hove mede te decken(e) en(de) alsmen dien verdect/ selen de wy(n)ne(n) de(n) dachue(re)n wercliede(n) den montcost gheven/ en(de) jan sal de dachuere(n) betalen It(em) selen de wy(n)ne(n) jaerlijcx/ de(n) voirs(creven) janne houde(n) twee vercken(en) va(n) halfm(er)te tot dat de/ eekele(n) [af en(de)] geghete(n) zijn It(em) sele(n) de wynne(n) jaerlijcx de(n) voirs(creven) ja(n)ne/ tsijne(n) huys te loeven(en) leveren thoy vande(n) derdendele va(n) i boend(er)/ bempts aent erteeussel gelege(n) en(de) soe wa(n)neer de wynne de(n)/ voirs(creven) janne coren hoy oft and(er)s tsaquet(en)? bringe(n) sele(n) zij en(de) hue(r)/ p(er)de de(n) cost hebbe(n) en(de) hebbe(n) de wynne te doene d(er) hulpe(n)/ van jans p(er)de als hij i heeft en(de) selve niet en behoeft sal/ hijt hem leene(n) op dat zijs behoeve(n) It(em) sele(n) de voirs(creven) wynne/ moegen tru(n)cken alle de eycken en(de) veeghe(n) de ande(re) boome omtr(ent)/ de goede(n) staende uitgesceyde(n) de eycke(n) op coni(n)xhout en(de) aende(n)/ aenhofstrate behoud(elic) oft ja(n) e(n)nige afhouwe(n) woude om te orbore(n)/ tsijne(n) behoef dat hij dat sal moege(n) doen It(em) oft d(air) e(n)nige boome/ verdroechde(n) die selen de wy(n)ne(n) moege(n) uutrode(n) en(de) behoude(n)/ des selen zij voir elke van dien sette(n) ii pooten vande(n) selve(n) aerde/ en(de) zij selen alle jae(re) de(n) voirs(creven) t(er)mijn duerende sette(n) ii pote(n)/ dairs de voirs(creven) jan begh(eer)t It(em) sal hen de voirs(creven) jan leve(re)n drie xxv
//
scape(n) te wete(n) [twee] jare(n) te deylen It(em) sele(n) de wynne de voirs(creven) lande/ vande(n) hove wynne(n) w(er)ve(n) en(de) meste(n) wel en(de) loflijc gelijc reeng(enoten)/ bove(n) en(de) benede(n) It(em) is vorwerde dat de voirs(creven) wy(n)ne(n) alle/ jare m(er)ghele(n) sele(n) twee boende(re) lants en(de) de(n) m(er)ghel hale(n) d(air)/ jan hen dien bewisen sal en(de) oft jan op e(n)nich jaer d(air) inne/ gebreckelijk vonde(n) worde selen de wy(n)ne(n) die coepe(n) en(de)/ slaent de(n) voirs(creven) janne af aende bempdhuere It(em) is vorw(er)de/ soe wa(n)neer inde(n) mesthoff also vele mests is om (½) boend(er)/ lants mede te meste(n) dat sij dat sculdich sele(n) sijn te doene/ It(em) sele(n) de voirs(creven) wy(n)ne de lande vande(n) voirs(creven) hove te hue(re)n/ afsceyde(n) late(n) alsoe zij die vaonde(n) te hue(r) innecomen(e) En(de) alle/ dese vorwerde(n) (con)d(icien) en(de) gelofte(n) (et)c(etera) cor(am) vync couck(eroul) oct(obris) xxvi