Item vander questien die voir den raide vand(er) stat geweest is tusschen/ woute(re)n vanden kerchove ter eender zijden henricke van schoe/ nenberghe gelaesmake(r) en(de) lambrechte zwerters zijnen zwager/ ter ande(re) om der palinghen wille en(de) der discordien die zij hadden/ van huer(er) beid(er) erve deen gheheten de borsse en(de) dand(er) den odenvad(er)/ gelegen in hoelstrate bijden hoec vand(er) pe(n)nincstrate(n) vanden welcken/ de stat meesters en(de) gezworen(en) werclude ten bijsijns van e(n)nige(n)/ vanden secretarise na dat zij informacie van beide der vors(creven) p(ar)tien/ rechte ende bescheide hadde genomen eene uutsprake ende/ vere(n)nighe op hue(re)n eedt hadden genomen begrepen ende den/ vors(creven) secretarise doen beworpen Ende dair hadden beide de
//
vors(creven) p(ar)tien gelooft en(de) toegeseeght beide voir dat duutsprake/ p(ar)tien gelesen was en(de) dair na voir goet en(de) van weerden/ te houden in alle der maten oft zijt voir scepen(en) van loven(en)/ hadden belieft en(de) gelooft dair af de vors(creven) wout(er) thoenesse/ bijleit ende om dat de weder p(ar)tien hem dat ontkynde/ soe werd bijden vollen raide vander stat na aensprake en(de)/ verantweerde van beide den vors(creven) p(ar)tien en(de) thoenesse des voirs(creven) meesters en(de) ande(re)n overhoirt sijnde uutgesproken en(de) get(er)mijnert/ voir recht dat de vors(creven) p(ar)tien op tghene des hier aff bijden/ vors(creven) secretar(ise) was geregistreert vort vae(re)n zoude(n) en(de)/ gehouden zijn elc den ande(re)n dat voir scepen(en) van loven(en) vol/ comentlijc te vestighen p(rese)ntib(us) kers(makere) willem(air) burgim(a)g(ist)ris et plurib(us)/ aliis tam scabinis q(uam) (con)siliariis m(ar)cii ix