Item vanden gedinghe dat gheweest is inde banc voir meye(r) ende/ scepen(en) van loven(en) tusschen janne berchman cleermake(r) in deen zijde/ en(de) else beeren in dande(re) van dat de vors(creven) jan seyde dat de vors(creven)/ else lijnken berchmans dochter des vors(creven) jans geslaghen soude/ hebben begherende dair af beternesse nader stat recht gemerct/ dat de vors(creven) zijn dochter in zijnen broode ware dair opde/ vors(creven) else boot eedt ende ontschout dat zijse noeyt/ sloech Wijsden de he(re)n scepen(en) van loven(en) ter manissen
//
smeyers der vors(creven) lijsbetten thuer(er) eedt Ende ten daghe van/ rechte dair na naestvolgen(de) quam de selve else int recht/ om hue(r) ontschout te doen na recht ende want de vors(creven)/ jan berchman niet en quam noch en compareerde soe/ wijsden de he(re)n scepen(en) van loven(en) ter manissen smeyers/ voir een vonisse dat de vors(creven) else vander vors(creven) aensp(ra)ken/ ongehouden zijn zoude cor(am) witte roel(ofs) cock(eroul) ouder(ogghe) m(ar)cii/ xxvi