Item jan beyart sone wilen mychiels ende jan de gheysere/ geheten inden cruywaghen sijn sweer bruede(r) hebben/ gelooft ongesundert en(de) onverscheiden pauwele van godsenhove(n)/ en(de) janne van loven(en) ty(m)merlude oft den eenen van hen te leve(re)n/ de p(ar)tien van houte hier na bescreven Te weten(e) inden yersten/ alle de gespanne kepers met hue(re)n behoirliken haenbalcken/ die behoeven sullen totten huyse en(de) hove geheten vicu(m) dat/ de vors(creven) ty(m)merlude tegen de rentmeest(er)s vand(er) stad v(er)dinct/ hebben te maken dair aff de aenvelders lanc moeten/ zijn xvi(½) voete en(de) de kepers xxii(½) voete boven van iii en(de)/ derdalven duyme en(de) de aenvelders onder van drie en(de) vier/ duymen sonder drachte te hoesschen kante Item alle de
//
kepers vanden hayssele diemen totten selven huyse v(er)ty(m)me(re)n sal/ naden steke vanden vors(creven) kepers van boven nederwert meten(de)/ oic te hoesschen kante Item de voet latten en(de) ande(re) latten die/ men totten selven huyse verleggen sal en(de) al van des vors(creven)/ steet van goeden eyken(en) houte Te weten(e) de vors(creven) gespa(n)ne/ kepers temet tusschen dit en(de) sint jansmesse baptisten naest/ comen(de) oft ombegrepen xiiii nacht dair na en(de) de kepers/ vanden hayssele bynnen eend(er) maent na sint jansmesse/ vors(creven) en(de) de latten ter stont zoe wanneer tvors(creven) huys/ gericht sal zijn welcke hout vors(creven) de vors(creven) jan beyart geloft/ heeft te leve(re)n opt werc vors(creven) telken t(er)mijne als v(er)reicte/ schout Et p(ri)mus lyemi(n)gen cock(eroul) junii ii[a]